Translate

9/29/2010

நான்

ஒரு வழியாக நிச்சயதார்த்த ஏற்ப்பாடுகள் வேகமாக நடந்துகொண்டிருந்த சமயம், ஜவுளி நகைகள் என்று வாங்கும் படலம் துவங்கியபோது ஜவுளிக்கடையில் திருமணத்திற்கும் சேர்த்து புடவைகள் வேட்டிகள் ரிசப்ஷனுக்கு ஒரு தனியாக கோட்டும் சூட்டும் என்று வாங்கிக்கொண்டிருந்த போது மணமகள் சொன்னாள் முதலில் எனக்கு பிடித்த நிறத்தில் புடவைகள் வாங்கி விடுகிறேன் அதற்கேற்றார் போல உங்களுக்கு பான்ட் ஷர்ட் எடுக்கலாம், புடவைகளை எடுத்து முடிப்பதற்குள் இரவு கடைகளை அடைக்கும் சமயமாகிவிடவே மீண்டும் அடுத்த நாள் தொடர்ந்தது, மணமகள் தனது புடவைகளை தனக்குப் பிடித்தவாறு தேடித்தேடி எடுத்ததுடன் விடாமல் மாப்பிள்ளைக்கும் சேர்த்து தானே தேர்ந்தேடுகிகவேண்டும் என்று அடம் பிடித்தபோது மாப்பிள்ளைக்கு தனது வேலை மிச்சமாகியத்தில் நிறைவுதான் ஆனால் உடன் வந்திருந்த மாப்பிள்ளையுடைய தங்கைகளும் வேறு உறவினர்களும் மணமகளின் பிடிவாத குணத்தை விரும்பவில்லை. நகைகளை வாங்கும்போதும் தனக்கு பிடித்த டிசைன்களை தேடித்தேடி வாங்கியதுடன் மாப்பிள்ளைக்கு அணிவிக்க வாங்கிய மோதிரம் உட்பட மணமகளின் ரசனைக்கேற்ப வாங்கப்பட்டது.

வீடு கட்ட முடிவெடுத்து அதற்கான வரைபடம் தயாரிப்பதிலிருந்து கிரக பிரவேசத்திற்கான பத்திரிகையை டிசைன் செய்வதுவரை தன் விருப்பத்தின்படியே செய்து வைத்தாள். குழந்தைகள் பிறந்த போது அவர்களுக்கு பெயர் சூட்டுவது முதல் பள்ளி கல்லூரி என்று எல்லாவற்றிலேயும் தனது முடிவையே செய்து முடித்தாள், காப்புநிதியை தெரிவுசெய்து வயதான காலத்திற்கு சேமிப்பும் அவள் தெரிவு செய்தபடியே செய்தும் விட்டாள். காலம் முழுதும் எதிலும் எல்லாவற்றிலும் தனது முடிவே இறுதி முடிவாக இருத்தல்வேண்டுமென அவள் செய்து வந்தாள்,

அவள் கணக்குப்படி நீண்டநாள் வழ விடாமல் காலம் தன் விருப்பம் செய்தபோது மரணம் அவள் விருப்பமின்றி வந்துவிட வேறு வழியின்றி அயர்ந்துவிட்டாள்.

9/24/2010

காமன் வெல்த் விளையாட்டுகள்

விளையாட்டு என்றாலே இந்திய நாட்டை பொறுத்தவரையில் கிரிகெட்டுதான் சிறியவர் முதல் பெரியவர் வரையில் நினைவிற்கு வரக்கூடியது, கிரிகெட்டைப்பற்றிய செய்திகளை அறிந்துகொள்ளாதவர்கள் மூடர்கள் என்ற நிலை கூட வந்துவிடும் அத்தனை முக்கியத்துவம் வாய்ந்ததாக கருதப்படுவதன் காரணம் என்ன, ஏன் கிரிகெட்டு மட்டும் நமது நாட்டில் இத்தனை முக்கிய பங்கு எடுத்துக்கொண்டு ஏகோபித்த வரவேற்ப்பை பெறுகிறது, சினிமாவிற்கு அடுத்தபடியாக நிறைய நட்சத்திரங்களையும் வில்லன்களையும் உள்ளடக்கி மக்களை கவருவதன் காரணம் என்ன, வாழ்க்கையில் சினிமாவும் கிரிகெட்டும் பொழுது போக்குவதற்கு பதிலாக பொழுதை வீணடித்து பலரது உயிராக எண்ணப்படுவது மக்களின் பொழுதுபோக்கு தேவைகள் என்பது அன்றாட தேவைகளையும் மிஞ்சி நிற்ப்பதை எடுத்துகாட்டுகிறது.

காமன் வெல்த் நாடுகளின் விளையாட்டு போட்டிகளை இந்தியாவில் முதன் முறையாக நடத்த ஒப்புக் கொண்டபோதும் அதற்கான செயல் திட்டங்கள் வகுக்கப்பட்டபோதும் ஆட்சியில் இருந்தவர்கள் வேறு அவற்றை நடைமுறை அல்லது செயலாக்கப்படுத்தும்போது இருப்பவர்கள் வேறு, ஆனால் சேர்மன் சுரேஷ் கல்மாடியும், எம்.எஸ்.கில் என்பவர்கள் மட்டுமே அப்போதும் இப்போதும் நிரந்தரமாக பதவில் இருந்து இவற்றின் மொத்த பொறுப்புகளையும் அறிந்தவர்களாக உள்ளனர், காமன் வெல்த் விளையாட்டு ஏற்ப்படுகளுக்கான பணம் கடனாக கொடுக்கப்பட்டு பின்னர் விளையாட்டுகள் நடத்துகின்ற போது வசூலாகும் பணத்திலிருந்து கடன் திருப்பி கொடுக்கப்படும் என்பது ஒப்பந்தம் என்று கல்மாடி சமீபத்தில் விளக்கமளித்துள்ளார்.

ஆனால் இதில் பெரும் ஊழல் நடந்துள்ளதாக குற்றம் சட்டுகின்றவர்கள் ஒருபுறம் இருக்க அதன் கட்டுமான பணிகளை குறை சொல்லும் நாடுகள் தீவிரவாத அச்சுறுத்தல்களை காரணம் காண்பித்து விளையாட்டில் தங்கள் வீரர்களை கலந்து கொள்ள விடாமல் தடுக்கும் நாடுகள் என்று காமன் வெல்த் போட்டிகள் தடுமாறிக்கொண்டு இருக்கின்ற செய்திகள் வெளியாகிக்கொண்டிருக்கும் நிலையில் போட்டிகள் துவங்குவதற்கான நாள் நெருங்கிக்கொண்டும் இருக்கிறது. நாட்டில் முதன் முதலாக நடக்கவிருக்கும் விளையாட்டு போட்டிகளை நடக்கவிடாமல் தடுப்பதற்கு இத்தனை சதியா என்பது பலரை வியப்பில் ஆழ்த்துகின்ற கேள்வி. இதற்கெல்லாம் யார் காரணம் என்று பார்த்தால் தீவிரவாதிகளின் அச்சுறுத்தலே என்று மொத்த பழியையும் வேறு யார் மீதோ போட்டுவிட இயலாதபடி உள் நாட்டு தீவிரவாதமும் எதிர்கட்சிகளின் கூட்டு சதிகள் கூட மிகவும் முக்கிய காரணம் என்பதை புரிந்து கொள்ள முடிகிறது.

ஆளும் கட்சியினர் நாட்டிற்கு எந்த காரியத்தை செய்தாலும் அதை தடுத்து நிறுத்துகின்ற முயற்ச்சிகளிலேயே எதிர் கட்சிகளும் உள்நாட்டு தீவிரவாதிகளும் தீவிர ஆலோசனை செய்துவருவதே இதற்கான மிக முக்கிய காரணம். பொதுமக்களுக்கு நன்மை செய்வதாக கூறிக்கொண்டு உள்நாட்டு தீவிரவாதிகளை உருவாக்கும் பலரும் இதற்க்கு மிகவும் முக்கிய காரணம், இந்தியாவை அந்நிய நாடுகளுக்கு தாரைவார்த்து கொடுக்கும் நடுவன் அரசை எதிர்ப்பதாக கூறிக்கொண்டு இந்திய மக்களை தங்கள் வசம் ஒன்று திரட்டி இந்தியாவை உள்நாட்டு தீவிரவாதத்தின் மூலம் நாசப்படுத்த திட்டம் வகுக்கும் கலவரக் கும்பல்களின் சதிநோக்கமும் இதற்க்கு காரணம்.

எது எப்படியாயினும் திட்டமிட்டபடி போட்டிகள் நடந்து முடியப்போவதும் அதற்கான அனைத்து ஏற்பாடுகள் நடந்து வருவதும் எதிர்ப்புகளின் மத்தியில் நிறைவேறிக்கொண்டு தான் இருக்கிறது.

9/23/2010

ஜனநாயக நாட்டில் நீதிக்கு ஏன் தட்டுப்பாடு




இந்தியாவில் மட்டும் பல வழக்குகள் இழுபறி நிலையிலேயே கிடப்பில் போடப்படுவது மிகவும் பழகிப்போன விஷயம். நீதிமன்றத்தில் போதிய நீதிபதிகள் இல்லையென்பது தொடர் காரணமாக இருந்தாலும் பல வழக்குகள் முடிவிற்கு வருவதற்குள் வழக்கு தொடுத்தவர்களில் பலர் வயதாகி இறந்து போய் தொடர்ந்து வழக்கு நடத்துவதற்கு கூட ஆட்கள் இல்லாமல் போன கதைகள் உண்டு. நீதிமன்ற தீர்ப்பை எதிர்த்து உச்சநீதி மன்றத்திற்கு வழக்கு தொடர சட்டத்தில் இடமிருப்பதால் வழக்குகள் மீண்டும் இழுபறி நிலைக்கு செல்வது தொடர்கதை. பல வழக்குகள் தொடக்கத்தில் மிகவும் பரபரப்பாக முதன்மை செய்திகளில் இடம் பெற்று அதைப்பற்றி மேலும் அறிந்து கொள்ளும் ஆர்வத்தை அதிகரிப்பதுண்டு, ஆனால் பெரும்பாலான வழக்குகளுக்கு தீர்ப்பு வழங்கப்படும்போது அவை செய்திகளில் முதன்மை இடத்தை பிடிக்க முடியாமல் வேறு பல நிகழ்வுகள் முதன்மை பகுதிகளை ஆக்கிரமித்து கொண்டிருப்பதும் பல வழக்குகளின் முடிவு பத்திரிகையின் ஏதோ ஒரு பகுதியின் கடைக்கோடியில் கண்ணுக்கு தெரியாத சிறிய எழுத்தில் பிரசுரமாவதும் வேடிக்கை.

பாப்ரி மசூதியின் வழக்கு அதே போன்ற நிலையை அடையும் வாய்புகள் மிகவும் குறைவு ஏனெனில் இதன் அடிப்படை மதம் சார்ந்த பிரச்சினை, அலஹாபாத் நீதிமன்ற தீர்ப்பிற்குப் பின்னர் உச்ச நீதிமன்றத்திற்கு இவ்வழக்கு கொண்டு செல்லபட்டாலும் அங்கு இறுதி தீர்ப்பு வழங்கப்படுவதற்கு இன்னும் எத்தனை காலமாகும் என்பதை காண மீண்டும் [எத்தனை ஆண்டுகள் ?] பொறுத்திருக்க வேண்டியது கட்டாயம். மேல் முறையீடு என்பது சட்டத்தில் மிகவும் அவசியமான ஒன்றாக இருந்தாலும் கிடப்பில் கிடத்தப்படுவதை எண்ணும் போது சட்டத்தின் மீதும் தீர்ப்பின் மீதும் பொருமை இழக்கும் நிலை ஏற்படுவது தவிர்க்க இயலாத ஒன்று.

தனி மனிதர்களின் வழக்கானால் அதன் தீர்ப்பு அவரைச் சார்ந்தவர்களை மட்டுமே பாதிப்படையச் செய்து பிரச்சினைகள் வெளியே தெரிய வழி இல்லாமல் போகும், ஆனால் அரசியல் பிரமுகர்கள் அல்லது பொது நல வழக்குகள் மற்றும் ஊழல் வழக்குகள் போன்றவற்றிக்கு தீர்ப்புகள் வழங்கப்படும்போது அவை முக்கியத்துவம் வாய்ந்ததாக கருதப்படுவதால் இதன் பாதிப்பை கருதி தீர்ப்பு வழங்கப்படுவதில் இழுபறிநிலை ஏற்ப்படுவது ஜனநாயகத்தின் பெரும் குறையாகவே இருந்து வருகிறது. அண்டை நாடான பாகிஸ்தான் மேலை நாடுகள் அமெரிக்கா மற்றும் வளைகுடா நாடுகளில் வழக்குகளின் தீர்ப்பும் அதற்க்கான தண்டனைகள் நிறைவேற்றப்படுவதும் மிகவும் விரைவானதாகவும் சரியானதாகவும் இதில் பொது மக்களின் தலையீடுகளும் இழப்புகளும் அறவே இடம்பெறுவது கிடையாது. இந்த வகையில் இந்திய தேசம் மிகவும் பிற்படுத்தப்பட்ட நிலைமையிலேயே இன்னும் இருந்து கொண்டிருக்கிறது.

ஜனநாயகத்தின் மற்றொரு தீமையாக ஜனநாயக நாட்டில் நீதிக்கும் அதன் தீர்ப்பிற்கும் பொது மக்களும் அரசியல் பிரமுகர்களும் மற்றும் பணம் பெருத்தவர்களும் பெரும் இடையுறாக இருப்பது ஜனநாயகத்தின் இருட்டுப்பகுதி, இதனால் பல தீர்ப்புகள் வழங்கப்படுவதற்கு இயலாமல் கிடப்பில் கிடத்தப்படுவதுடன் நீதியை கொலை செய்யவும் கூட வாய்புகள் ஏற்ப்படுகின்றது. பல வழக்கறிஞர்கள் நீதிபதிகள் கொலை செய்யப்பட்ட கதைகளையும் வரலாறுகள் நமக்கு காட்டுகிறது. இதற்க்கு காரணம் ஜனநாயகத்தை நாம் நமது சுயநலத்திற்கு பயன்படுத்திக்கொள்வதே அல்லாமல் வேறென்னவாக இருக்க முடியும், சட்டத்தை அதன் வரையறைகளுக்கு உட்பட்டு இயங்க விடாமல் ஜனநாயகம் தடுத்தால் அதற்குப் பெயர் ஜனநாயகப்படுகொலை அல்லது சுயநலம் என்பதுதானே அர்த்தம்.

இப்படிபட்ட காரணங்களால் நீதி செத்து போனதால் அப்பாவிகள் ண்டனைக்கு உள்ளாவதும் உண்டல்லவா, நிரபராதிகள் தண்டனையை அனுபவித்த காரணத்தால் அபலைகள் வேதனையடைந்த, அடைகின்ற கதைகளும் உண்டல்லவா, நீதியை கொன்ற நாடு சுபீட்சம் பெறுவது உண்டா, பல நீதிக்கதைகளை நாம் படித்து கேட்டிருந்தாலும் 'படிப்பது ராமாயணம் இடிப்பது ..........' போன்ற நிலைதானே இருந்து வருகின்றது. 'கோவிலில்லா ஊரில் குடியிருக்க வேண்டாம்' என்பதை நாம் படித்திருக்கிறோம் ஆனால் முதுமொழியாக 'கோவிலை இடிக்கும் ஊரில் குடியிருக்க வேண்டாம்' என்ற நிலை உண்டாக்கப்பட்டுவிட்டது துரதிஷ்டவசமானது.

9/22/2010

சட்டம் தன் கடமையை ஒழுங்காக செய்யும்


"சட்டம் ஒரு இருட்டறை, அதில் வக்கீலின் வாதம் விளக்கு"


பாப்ரி மசூதி - அயோத்தியா வழக்கில் வருகின்ற செப்டெம்பர் 24ஆம் தேதி தீர்ப்பு வழங்கப்பட இருப்பதாக வெளியாகியுள்ள அதிகாரபூர்வ அறிவிப்பும் அதை தொடர்ந்து நடுவன் அரசு அமைச்சர் திரு ப. சிதம்பரம் அவர்கள் இன்று அறிவித்திருக்கின்றபடி அந்தந்த மாநிலங்களில் போதுமான அளவு பாதுகாப்பை பலப்படுத்துவது மேலும் மத்திய அரசின் பாதுகாப்பும் வழங்கப்படும் என்பதும் மிகவும் எதிர்பார்க்கப்படுகின்ற நிகழ்வு. இந்தியாவில் மட்டுமில்லாமல் உலகம் முழுவதுமே இந்த தீர்ப்பை எதிர்நோக்கியிருக்கிறது. இந்த வழக்கின் தீர்ப்பு மனுநீதிச்சோழன் வழங்கிய தீர்ப்பைப்போலிருந்தால் ஜனநாயகத்தின் மிகப்பெரிய அஸ்திவாரத்தின் உறுதி தற்போது இந்தியாவில் எவ்வாறு உள்ளது என்பதற்க்குச் சான்றாக இருக்கும், அதைவிட இன்னும் அதிகமாக சாதாரண மக்களின் நியாயமான கோரிக்கைகளுக்கு நீதி கிடைக்கும் என்கின்ற உறுதியும் நம்பிக்கையும் மக்கள் மனதில் மீண்டும் உருவெடுக்கும்.

ஞானத்திற்கு உதாரண புருஷனாக வரலாறு கூறும் ஞானவான் சாலமன் என்கின்ற பேரரசன் கொடுத்த சிக்கலான வழக்குகளின் தீர்ப்பைப்போல் இருக்கும் என்றால் இக்காலத்து மக்கள் அந்த தீர்ப்பை பற்றி என்ன சொன்னாலும் தீர்ப்பு நேர்மையானதாகவே கருதப்படும், இரு மதங்களின் பின்னணியை அடிப்படையாகக் கொண்ட வழக்கு என்பதால் இருதரப்பினருக்கும் சாதகமாக இல்லாமல் புதைப்பொருள் ஆராய்ச்சிக்கு உரிய இடமாக அறிவித்து வழக்கை முடித்துவிட்டாலும் சரியான தீர்ப்பாகவே அமையும், அது ஜனநாயக ரீதியில் நியாயமான தீர்ப்பாகிவிடும். இந்த வழக்கின் அடிப்படை கருத்தைப் போலவே வேறு ஒரு சம்பவம் நடந்ததாக என் தாயார் கூற நான் கேட்டதுண்டு.

என் தாயாரின் அப்பாவின் தகப்பனாருக்குச் சொந்தமான நிலத்தை வேறு ஒருவருக்கு தானமாக கொடுத்து பத்திரப்பதிவும் அவர் பெயரிலேயே செய்துவிட்டார், அந்த நிலத்தை வாங்கியவர் வயதாகி இறந்து விட்டார், என் அம்மாவின் தாத்தாவும் இறந்துவிட்டார், அந்த நிலத்தை உபயோகித்த அவரது குடும்பத்தினர் வேலையின் நிமித்தமாக ஒவ்வொருவராக வேறு ஊர்களுக்குச் சென்று அங்கேயே நிரந்தரமாக தங்கிவிட்டனர், பத்திரம் இருந்த இடம் தெரியாமல் போய்விட்டது, என் அம்மாவின் தகப்பனாருக்கு தனது அப்பாவின் நிலம் எது என்று விவரம் அறிந்துகொள்வதற்காக பத்திரங்களை பதிவுசெயுமிடத்திற்க்குச் சென்றபோது அவரது தந்தையார் வேறு ஒருவருக்கு அந்த நிலத்தை கொடுத்திருப்பது பற்றிய பதிவுகள் அங்கு இல்லாமல் இருந்ததால் கைமாறிய நிலம் மறுபடியும் என் தாத்தாவின் நிலத்தோடு சேர்ந்துவிட்டது.

ஆனால் பல வருடங்கள் கழித்து அந்த நிலம் தங்களுக்கு சொந்தமானது என்று அந்த குடும்பத்தை சேர்ந்த ஒருவர் உரிமை கேட்டு வழக்கு தொடர்ந்தார், அவருக்கு இருந்த சான்று அந்த நிலத்தின் கிழக்கு மூலையில் பூமிக்கு அடியில் அவரது தாத்தா சேமித்து வைத்து சென்ற சில மூலிகைகளைப்பற்றிய ஆராய்ச்சிகள், அவை எல்லாமே ஓலைச்சுவடிகள். அவற்றை சிறிய இரும்பு பெட்டியில் வைத்து புதைத்துவிட்டு அதன் மீது அவர்களது குடும்ப தெய்வத்தின் சிலையை வைத்திருந்ததாக கூறினார். அவர் கூறிய இடத்தின் மீது என் அம்மாவின் தங்கை பெரிய பங்களா ஒன்றை கட்டி பல வருடமாகிவிட்டது, அதில் வாழ்ந்தும் வந்தனர். பிறகு அந்த பங்களாவை வேறு ஒருவருக்கு விற்றுவிட்டு வேறு மாநிலத்திற்கு போக வேண்டிய சூழ்நிலை ஏற்ப்பட்டது. அந்த பங்களாவை முழுவதுமாகவோ ஒரு பகுதியையோ இடித்துவிட்டு பூமிக்கடியில் தோண்டி பார்த்தால் அந்த இரும்பு பெட்டி கிடைக்கலாம் என்பது வழக்கு தொடுத்தவறது வாதம்.

அந்த ஓலைச்சுவடியில் அவரது முப்பாட்டன் கண்டுபிடித்த அறிய வகை மருந்துகள் உண்டு என்று அவர் கூறி வந்தார், ஆனால் அங்கு பங்களாவை கட்ட குழிகள் தோண்டிய போது எவ்வித இரும்பு பெட்டியோ சுவாமி சிலையோ ஓலைச்சுவடிகளோ கண்டெடுக்கப்படவில்லை என்று அந்த ஊர் மக்களும் க்கம்பக்கதில் இருந்தவர்களும் கட்டிடத்தை கட்டிய அனைவரும் கூறியும் அவர் அதை ஏற்கவில்லை. அப்போது அங்கே எழுப்படட்ட கேள்வி புதைந்து போன பொருள் என்று கூறப்படும் அந்த சிறிய இரும்பு பெட்டி பூமியின் அடியில் உள்ளதா இல்லையா என்பதை அறிந்து கொள்வதற்காக அங்கு வசிக்கின்ற வீட்டை இடிப்பதா என்பதுதான்.

இறுதியாக வழக்கில் தீர்ப்பு கூறப்பட்டபோது அந்த நிலம் அங்கு பங்களா கட்டி வாழுகின்ற குடும்பத்திற்கு சொந்தமானது அந்த நிலத்தை அந்த நிலத்தின் அப்போதைய சொந்தக்காரர் இன்னொருவருக்கு விலைக்கு விற்கவில்லை அவரது கஷ்ட நிலையை கண்டு மனமிரங்கி உபயோகிப்பதற்காக தானம் கொடுத்திருக்கிறார், எப்படியானாலும் தற்போது அந்த நிலத்தில் யார் வசிக்கின்றாரோ அவருக்குதான் அந்த நிலம் சொந்தமானது என்றும் அதனால் அந்த பங்களாவை இடிப்பதற்கு நீதிமன்றம் தடைவிதித்து வழக்கை ரத்து செய்தது. பெரும் சர்ச்சைக்குள்ளான வழக்கில் நீதிமன்ற தீர்ப்பு எதிர்பார்க்கப்படுகின்ற இந்த சூழலில் எனக்கு அந்த வழக்குதான் நினைவிற்கு வந்தது.

தீர்ப்பு எதுவாக இருந்தாலும் நிச்சயம் நேர்மையானதாகவும் ஜனநாயக ரீதியில் பொதுமக்களின் நன்மையை கணக்கில் கொண்டு தீர்ப்பளிக்கப்படும் என்பது எனது நம்பிக்கை, எதிர்பார்ப்பு.

9/21/2010

அந்த சில நிமிடங்கள் - எதிர்பாராதது

எல்லோரது வாழ்க்கையிலும் 'அந்த சில நிமிடங்கள்' என்பது நிச்சயம் ஏதோ ஒரு வகையில் பெரிய பாதிப்பை ஏற்ப்படுத்தி வாழ்க்கையை அடியோடு மாற்றிவிடுவதுண்டு. ஒரு பெண் தன் வாழ்க்கையை மாற்றிய அந்த சில நிமிடங்களைப் பற்றி என்னிடம் கூறினார், வேலைக்காக எத்தனை பரீட்சைகள் உண்டோ அத்தனையையும் விடாமல் எழுதி வந்தாள். ஒரு வழியாக வங்கியில் வேலை கிடைத்தது, நீலகிரியில் முதல் முறையாக வேலையில் சேருவதற்காக தனது தகப்பனாருடன் கிளம்பி சென்றாள், அக்கம் பக்கத்தில் உள்ளவர்கள் நெருங்கிய நண்பர்கள் யாருக்குமே தனக்கு வங்கியில் வேலை கிடைத்த செய்தியைப் பற்றி தெரிவிக்கவில்லை, நீலகிரியில் வங்கி இருந்த இடத்தின் சற்று அருகில் ஒரு விடுதியில் அறை எடுத்து தங்கினர், அடுத்தநாள் வங்கிக்குச் சென்று வேலையில் சேர்ந்தாகிவிட்டது, வங்கியில் பணி செய்துகொண்டிருந்தவர்களில் ஒருவர் செங்கல்பட்டின் அருகிலிருந்த ஒரு சிறிய கிராமத்திலிருந்து சென்று அங்கு பணியாற்றி வந்தார்.

புதிதாக வேலைக்கு சேர்ந்த பெண்ணை தவிர வேறு பெண்கள் அந்த வங்கியில் பணி செய்தனரா என்பதைப்பற்றி அந்த பெண் என்னிடம் தெரிவிக்கவில்லை. செங்கல்பட்டு கிராமத்திலிருந்து அங்கு சென்று வேலை பார்ப்பவர்தான் அங்குள்ள வங்கி ஊழியர்களின் யூனியன் தலைவர், வேலைக்கு செல்லும் பெண்கள் தங்கும் விடுதிகள் அங்கு இல்லாததால் அவருடைய வாடகை வீட்டிலிருந்த உபயோகிக்காத அறையை புதிதாக சேர்ந்த பெண்ணிற்கு கொடுத்து உதவினார். அந்த பெண் அங்கேயே தங்கி அலுவலகம் சென்று வந்தார், நீலகிரியில் அடிக்கடி மழை பெய்வது வழக்கம், வார இறுதியில் கடைக்குச் சென்று சமைப்பதற்காக சில சாமான்களை வாங்கிவருவதற்க்கு அந்த பெண் சென்றிருந்தார், திரும்பி வரும்போது நல்ல மழை, மழை நிற்பதாக தெரியவில்லை அதனால் மழையில் குடையை பிடித்துக்கொண்டு முழுவதும் நனைந்து வீடு வந்து சேர்ந்தார்.

அடுத்தநாள் அந்த பெண்ணிற்கு ஜுரம், உடன் இருந்தவர் பெண்ணிற்கு தேவையான மாத்திரைகள் உதவிகள் காப்பி கஞ்சி ரொட்டி என்று உதவி செய்திருக்கிறார், அந்த பெண் உடல் நலமாகி மீண்டும் அலுவலகம் செல்ல துவங்கினார், வாரக்கடைசியில் விடுமுறை சமயத்தில் அந்த ஆண் நன்றாக குடித்துவிட்டு இந்த பெண்ணிடம் தவறாக நடந்து கொண்டிருக்கிறார், இந்த பெண்ணிற்கு யாரிடம் சென்று இதைப்பற்றி சொல்வது என்று புரியாமல் நாட்களை கடத்தி வந்தார், அந்த பெண் அந்த ஆணை அண்ணன் என்று கூப்பிட்டு வந்தார் [safeஆக] ஆனாலும் அந்த ஆணின் தொடர் பாலியல் பலாத்காரத்திலிருந்து தப்பிக்க வழிதெரியாமல் விழித்து வந்தார். இந்நிலையில் அந்த ஆடவரின் தமக்கைகளிடம் கைபேசியின் மூலம் அடிக்கடி பேசுவதுண்டு, அப்படி பேசும் போது ஒருநாள் வேறு வழியின்றி வர் தன்னிடம் நடந்துகொள்ளும் முறைகளைப் பற்றி சொல்லி இதற்க்கு ஏதாவது தீர்வு சொல்லும்படி அழுதுள்ளார்.

அந்த ஆடவரின் தங்கைக்கு திருமணம் நிச்சயதார்த்ததிற்க்காக அவர் செங்கல்பட்டில் உள்ள கிராமத்திற்கு சென்றிருந்த போது அவரது அக்காவும் தாயாரும் இந்த பெண் சொன்ன புகாரைப்பற்றி அவரிடம் விசாரித்த போது அவர் சற்றும் அவற்றிற்கு அஞ்சவில்லை, பதிலேதும் சொல்லாமல் மவுனமாகவே இருந்த்விட்டார், இதையடுத்து அவரது தாயாரும் தமக்கையும் நீலகிரியில் அவர் வாடகைக்கு எடுத்து தங்கியிருந்த வீட்டிற்கு வந்தனர், அப்போது அந்த பெண்ணிடம் திருமணமாகாத இருவர் ஒரே வீட்டில் தங்கியிருப்பது ஆபத்தானது அல்லவா என்று அந்த பெண்ணிடம் விசாரித்துவிட்டு அந்த ஆடவரிடம் இதற்க்கு என்ன செய்து முடிவு கட்டுவது என்று கேள்வி எழுப்பியுள்ளனர், அவர் வேறு வழியில்லைஎன்றால் அந்த பெண்ணை எனக்கு திருமணம் செய்துவிடுங்கள் என்று சொல்லியிருக்கிறார்.

இதை கேட்டு அதிர்ச்சியடைந்த அனைவரும் அதை ஏற்றுக்கொள்ள இயலாமல் தங்கள் ஊருக்கு திரும்பிவிட்டனர். இருவரும் வெவ்வேறு மதம் இனம் மொழி என்று எல்லாவிதங்களிலும் வெவேரானவர்கள் என்பதே அதற்க்கு காரணம். பெண்ணின் வீட்டில் இந்த செய்தியை கேட்ட அனைவரும் வாயடைத்து விட்டனர். இருவருக்கும் திருமணம் செய்துவைக்க இரு வீட்டாரும் சம்மதிக்கவில்லை, அந்த பெண்ணிற்கு அந்த ஆடவரை திருமணம் செய்து கொள்வதற்கு சிறிதும் பிடிக்கவில்லை, அவள் வேறு ஒருவரை காதலித்துவந்தாள். ஆனால் பெண்ணின் ஜாதகத்தில் செவ்வாய் தோஷமிருப்பதாக ஜோதிடர்கள் எழுதி கொடுத்திருந்ததால் வேறு திருமணம் செய்வதில் தடை இருந்தது. இந்நிலையில் இருவரும் பதிவு திருமணம் செய்துகொண்டனர், அதற்க்கு காரணம் அந்த பெண் கர்ப்பமுற்றிருந்தார், அந்த பெண்ணிற்கு பிடிக்காத வாழ்க்கை அமைந்தது என்பதால் கருச் சிதைவிற்கான மாத்திரைகள் சாப்பிட்டும் கர்பத்தை அவளால் கலைக்க முடியவில்லை, மருத்துவரிடம் சென்று கலைத்துவிடுவதற்க்கு அந்த ஆடவர் சம்மதிக்கவில்லை. பிறந்த முதல் ஆண் குழந்தைக்கு பன்னிரண்டு வயதுவரை இரண்டு காதுகளிலும் சீழ் ஒழுகிக்கொண்டே இருந்தது, அடிக்கடி வலிப்பு வந்து எங்கே இருந்தாலும் கீழே விழுந்துவிடுவான், காரணம் அந்த பெண்ணிற்கு பிடிக்காத கர்ப்பம், பிடிக்காத திருமணம்.

அந்த பெண்ணின் வாழ்க்கையை அடியோடு மாற்றிய 'அந்த சில நிமிடங்கள்' அந்த ஆண் குடித்துவிட்டு அந்த பெண்ணை பாலியல் பலாத்காரம் செய்த 'அந்த சில நிமிடங்கள்' எத்தனை கொடுமையானது. அந்த சில நிமிடங்களால் அந்த பெண்ணின் வாழ்க்கை முற்றிலுமாக மாற்றப்பட்டுவிட்டது. இதைப்போன்று ஒவ்வொருவரின் வாழ்விலும் இன்பம், சுகம், துக்கம், விபத்து மரணம், நோய், என்று கணக்கிலடங்கா காரியங்கள் எதிபாராமல் நடந்துவிடும் 'அந்த சில நிமிடங்கள்' என்பதை பற்றி சிந்திக்கும்போது மனிதனின் வாழ்க்கையில் நடப்பது எல்லாமே எதிர்பாராததுதான். 'எந்த சில நிமிடங்கள்' வாழ்க்கையை அடியோடு மாற்றிவிடக்கூடியது என்பதை யாரும் அறிந்திருக்கவே முடியாது.

இது கூட தீவிரவாதம்தான்


ஈவ் டீசிங் என்பது எதற்க்காக எங்கே ஏன் ஏற்ப்பட்டது என்பதைப் பற்றி யோசிக்கும் முன்பு இதன் பாதிப்பு மரணம் தற்கொலை என வேகமாகிவிட்டது. கிராமப்புறங்களில் பெண்களை ஆண்கள் கேலி செய்யும் வழக்கம் உண்டு, சிலருக்கு அடுத்தவரை கேலி செய்வது கிண்டல் செய்வது என்பது கைவந்த கலை, கேலி செய்பவர் பெண்ணாகவும் கேலி செய்யப்படுபவர் ஆணாகவும் இருப்பது கூட கிராமப்புறங்களில் உண்டு ஆனால் இவ்வகைப் பெண்கள் திருமணமானவர்களாகவும் மிகவும் தைரியசாலிகளாவும் இருப்பதுண்டு. ஒரு இளம் பெண் அல்லது இளம் ஆணை கிண்டல் செய்வது என்பது கிராமம் நகரம் என்ற வித்தியாசமின்றி எங்கும் காணப்படுகின்ற பொதுவுடைமை என்று கூட சொல்லலாம். இளம் ஆண்களை சற்று வயது முதிர்ந்த ஆண்களோ சம வயது ஆண்களோ கிண்டல் கேலி செய்வதும் கூட எங்கும் காணப்படுகின்ற ஒன்றுதான், இதனால் பாதிப்பிற்கு உள்ளாகி மனம் நொந்து தற்கொலைகள் நடப்பதாக ஆய்வுகளில் காண முடிகிறது.

திருமணமாகாத இளம் பெண்களை ஆண்கள் கிண்டல் செய்வது கேலி செய்வது, தவறான முறையில் விமர்சிப்பது போன்றவை வீதிகளில், பேருந்து நிலையங்களில், போக்குவரத்து ஊர்திகள், கடை வீதிகள், கல்லூரிகள், விடுதிகள், பள்ளிகள் என்று இதன் விஸ்தாரம் அதிகரித்துள்ளதன் காரணம் பெண்கள் தற்காலத்தில் படிப்பிற்காகவும் தொழில் மற்றும் வேலை வாய்ப்புகளை தேடிக்கொண்டு வீட்டை விட்டு வெளியே வருகின்ற நிலை அதிகரித்து இருப்பது முக்கிய காரணம். இளம் பெண்களை மட்டுமில்லாமல் திருமணமான பெண்கள் முதியவர்கள் என்று கிண்டலுக்கும் கேலிக்கும் ஆளாகும் வட்டம் அதிகம்.

இப்படி அடுத்தவரை கிண்டல் கேலி செய்வது பாலியல் ரீதியில் வன் சொற்களால் கிண்டல் செய்வதால் என்ன சுகமடைய போகின்றனர் என்பது அவர்களுக்குத்தான் தெரியும், அடுத்தவரை கேலி கிண்டல் செய்வது என்பது தனிமனித ஒழுக்கமற்ற கீழ்த்தரமான எண்ணங்களை உடையவர்கள் தான் பெரும்பாலும் இச்செயலுக்கு சொந்தக்காரர்கள். அடிப்படையிலேயே நல்ல முறையில் வளர்க்கபடாததும் இதற்க்கு முக்கிய காரணம், ஒரு குழந்தையின் வளர்ப்பில்தான் அக்குழந்தை நல்லவனாவதும் தீயவனாவதும் நிர்ணயிக்கப்படுகிறது, அதற்குப் பின்பு நண்பர்கள் வட்டாரம் இதற்க்கு உரமிடுவதற்க்கு கிடைத்துவிட்டால் இவ்வித மட்டரகமான நடத்தைகள் செழித்து நன்கு வளர காரணமாகிறது.

பல சமயங்களில் தங்களால் அடைய முடியாத அடைய நினைத்தும் எட்டாத காரியங்களுக்காக மனதில் தோன்றும் வன்மங்களின், வக்கிரங்களின் வெளிப்பாடு இத்தகைய தரம் கெட்ட செயலுக்கு அடிகோலுகிறது. சமீப காலமாக ஈவ் டீசிங்கிற்கு எதிராக அரசு கொண்டுவந்திருக்கும் பல சட்டங்களால் நிலைமை ஓரளவிற்கு கட்டுக்குள் இருந்தாலும் பல சமூக விரோதிகளால் நல்ல நோக்கத்திற்காக கொண்டுவரப்படும் எல்லாவித சட்டங்களும் யாரையாவது எப்படியாவது பழி தீர்த்துக் கொள்வதற்கு பயன்படுத்தப்படுவதும் சமீபத்திய நிகழ்வுகள் நமக்கு எடுத்துக்காட்டுகிறது. ஒரு பெண் தற்கொலை செய்து கொண்டால் அவள் திருமணமாகிய பெண்ணாக இருந்தால் வரதட்சிணை கொடுமை தாங்காமல் தற்கொலை செய்து கொண்டார் என்று கூறி மாமனார் மாமியார் மீது வழக்கு தொடுத்து, வரதட்சிணை வாங்குவதை தடுக்கும் சட்டத்தை பயன்படுத்தி அப்பெண்ணின் கணவனது பெற்றோர் தமக்கை போன்றவர்களை பழிவாங்க பயன்படுத்துவது, [ உண்மையாகவே அந்த பெண் வேறு காரணத்திற்க்காக தற்கொலை செய்து கொண்டிருந்தாலும்].

கல்லூரியில் படிக்கும் மாணவியோ பள்ளியில் படிக்கும் மாணவியோ தற்கொலை செய்துகொண்டால் ஈவ் டீசிங் செய்யப்பட்டதால் தற்கொலை செய்துகொண்டதாக கூறி சம்பந்தபட்டவர்களை பழிவாங்குவது என்று பல நல்ல சட்டங்கள் தங்களது சொந்த லாபம் மற்றும் பழிவாங்கும் நோக்கங்களுக்காக பயன்படுத்தப்படுவதும் பெருகிவருகின்ற மோசடிகள் என்றும் கூறலாம், ஆக பொது நலனுக்காக சட்டங்கள் நடப்பில் தீவிரப்படுத்துகின்ற போது அதை தங்கள் சொந்த நலனுக்கு பயன்படுத்தி லாபம் சேர்க்கும் கீழ்த்தரமான மக்களை நம் நாடு பத்திரமாக பேணி காத்து வருகிறது, நாட்டின் அழிவிற்கும் தீமைகளுக்கும் வெளிநாட்டிலிருந்து தீவிரவாதிகள் ஒருபுறம் நாட்டை அழிக்க சதித்திட்டங்கள் தீட்டி செயல்படுத்தவிருந்தாலும் உள்நாட்டு நயவஞ்சகம் தீராத கான்சர் வியாதியாகி பொதுமக்களின் வாழ்க்கையோடு விளையாடி வருவதும் நாளுக்குநாள் பெருகிவரும் தீவிரவாதம்தான்.

9/18/2010

காமனை வென்றாக வேண்டும்....

கணவனும் மனைவியும் ஒருவருக்கொருவர் எல்லாவித உறவுகளிலும் உதவிக்கரம் கொடுப்பதற்குதான் ஒரு பெண்ணும் ஒரு ஆணும் திருமணம் செய்து கொள்கின்றனர். மனைவி என்கின்ற உறவு முறையிலே கூட, ஆரம்ப காலத்தில் காதலியைப் போல உறவாடுதல், படுக்கையறையில் தாசியைப்போல், நோயுறும் காலத்தில் தாதியைப் போலவும் தாயைப் போலவும் கனிந்து ஆதரவுடன் உதவி செய்து, பொருளாதார சிக்கல் வரும்போது சிறந்த சாணக்கிய யோசனைகள் வழங்கி, பிள்ளை வளர்ப்பில் இருவரும் ஆசிரியராய், செவிலியாய், தங்கள் தோளுக்கு உயர்ந்து பிள்ளைகளானதும் அவர்களது உற்ற நண்பர்களாய், தேவைப்படும் சமயங்களில் ஆலோசனை வழங்கி,

முதுமையில் ஒருவருக்கொருவர் உதவியாக காலமெல்லாம் அன்பு செய்து, திருமணத்தில் இணைத்த உறவை மரணம் பிரிக்கும்வரை, தோள் கொடுத்து வாழ்வதே நல்லறம். இடையிடையே வந்து போகும் சூறாவளி சுனாமியால் பிடுங்கி எடுக்க இயலாத கற்ப்பாறைகளாய் நிற்க அடிப்படை தேவை நம்பிக்கை அன்பு விட்டு கொடுத்தல். ஆரம்பத்தில் சுமக்க இயலாத கடும் சுமையாக நம் தோளின் மீது வைத்திருக்கும் இரும்பு குண்டுகளாக சுமை தாங்க இயலாமல் தோளிலிருந்து ரத்தம் வழிந்து, ஏன் தோள் எலும்புகள் கூட நொறுங்கி போய் வாழ்க்கைச் சுமையை இறக்கி வைக்கவும் முடியாமல் சுமக்கவும் இயலாமல் தவிப்புகளும் சஞ்சலங்களும் சூழ்ந்து வாழ்க்கையின் இறுதி கட்டத்திற்கு வந்துவிட்டது போன்ற மரண நிழல் சூழ்ந்தாலும், வாழ்க்கை என்கின்ற பயணத்தில் நம்பிக்கைகளும் முயற்ச்சிகளும் அதனுடன் சேர்ந்த மாயமற்ற மனைவியின் அல்லது கணவனின் அன்பும் நிச்சயம் மீண்டும் வாழ்க்கையின் மீது நம்பிக்கை கொடுக்கும்,

கணவன் + மனைவி + பிள்ளைகள் + பிரச்சினைகள் + பொருளாதாரச்சிக்கல் + நோய்கள் = வாழ்க்கை - அன்பு + நம்பிக்கை + உழைப்பு + நேர்மை + விடா முயற்ச்சிகள் = நிறைவான சந்தோசம்.

கணவன் மனைவி என்று ஆன பின்னர் மனைவி என்பவள் வெறும் மனைவியாகவே இருந்தால் கணவனுக்கு திருமண வாழ்வில் திருப்தி ஏற்ப்படுவதில்லை, வேறு பெண்ணை தேடி மனம் பறக்க துவங்கும், மதுவின் போதையில் நிம்மதியை தேடி அலையும், மனைவி என்பவள் படுக்கையில் கணவனை முழு சந்தோஷப்படுத்தும் வேசியாக மாறித்தான் ஆக வேண்டும், கணவன் வேறு பெண்ணை தேடி போகும் வாய்ப்புகளை ஏற்படுத்தக் கூடாது. கணவனும் மனைவியை எல்லாவிதத்திலும் திருப்திபடுத்த வேண்டும், குழந்தை பெற்றாகி விட்டது இனி குழந்தையை வளர்ப்பதில் மனைவி கவனமாக இருந்தால் போதும் வே
ளைக்கு ஒழுங்காய் சமைத்து போட்டால் போதும் என்று அலட்சியம் காட்டி வந்தால், மனைவிக்கு தொடர்ந்து ஏற்ப்படும் ஏமாற்றங்கள் ஏக்கங்கள் என்னவென்று அறிந்து கொள்ளும் விருப்பமின்றி வாழ்க்கை தொடருமானால் மனைவி வேறு ஆணின் வசம் ஈர்க்கப்படும் சூழலை நாமே ஏற்படுத்திக் கொடுத்துவிட நேரிடும்.

வெளிநாடுகளில் வருடம் முழுவதும் வேலை பார்க்க செல்லும் கணவர்கள் வேலையினிமித்தம் மனைவியை பிரிந்து வாழும் நிலை ஏற்ப்படும் போது கணவனும் மனைவியும் விடுமுறையின் போது மட்டுமே ஒருவரையொருவர் சந்திக்க இயலும் என்பதால் சூழ்நிலையை அறிந்து, குடும்பத்திற்காக, பொருளாதார முன்னேற்றத்திற்காக கணவனோ மனைவியோ சம்பாதிக்க சென்றிருக்கும் சமயத்தில் வேறு ஆடவருடனோ வேறு பெண்ணுடனோ உறவு வைத்துக் கொள்வதென்பது தவறு, இந்த சூழ்நிலை மிகவும் பரிதாபத்திற்குரியது. கேரளாவில் இவ்வாறு வெளிநாடுகளுக்கு வேலைக்காக செல்பவர்களின் மனைவிகள் பெரும்பாலும் வேறு ஆடவர்களுடன் உறவு வைத்துக்கொள்வது, பலர் அப்படி உறவு வைத்துக்கொள்ளும் ஆடவருடன் வாழ்க்கையை வாழ்வதும் நடந்து வருவதாக கூறப்படுகிறது.

அதை கேள்விப்பட்ட கணவன்மார்கள் பலர் தூக்கிட்டு தற்கொலை செய்து கொள்வதாக கேள்விப்பட்டதுண்டு. இத்தகைய நிலை தமிழகத்தில் கிடையாது, அதற்க்கு காரணம் சமூக அமைப்பு. சமூக கட்டுபாடுகள். தாம்பத்தியத்தில் கணவனும் மனைவியும் ஒருவருக்கொருவர் சரியான விதத்தில் திருப்திபடுத்தவில்லை என்றால் வாழ்க்கையில் நிம்மதி இருக்க வாய்ப்பு இல்லை.
மன்மத லீலை என்ற பழைய திரைப்படத்தில் கவிஞர் கண்ணதாசன் எழுதி கமல்ஹாசன் நடித்த பாடல் வரிகள் நினைவிற்கு வருகின்றது.

மனைவி (கணவன்) அமைவதெல்லாம்
இறைவன் கொடுத்தவரம்
மனது மயங்கியென்ன
உனக்கும் வாழ்வு வரும்

இரவில் நிலவொன்று உண்டு
உறவினில் சுகமொன்று உண்டு
மனைவியின் கனவொன்று உண்டு
எனக்கது புரிந்தது இன்று

பொருத்தம் உடலிலும் வேண்டும்
புரிந்தவன் துணையாக வேண்டும்
கணவனின் துணையோடுதானே
காமனை வென்றாக வேண்டும்

கவிஞன் கண்டாலே கவிதை
காண்பவர் கண்டாலே காதல்

அழகினை புரியாத பாவம்
அருகினில் இருந்தென்ன லாபம்



திருமணவாழ்க்கை

பெண்ணுக்கு அறிவு ஆற்றல் அழகு எல்லாம் பெருமை சேர்க்கும் ஆனால் குழந்தை பிறப்பில் பெண்ணிற்கு அதிக பெருமை சேருகிறது. அப்படி குழந்தை பேற்றில் பெருமை சேர்த்த பின்னர் அந்த குழந்தையை எல்லாவிதத்திலும் சீராட்டி மேன்மக்களாய் வளர்க்கும் போது பெண்ணின் பெருமைக்கு எல்லையற்று விடுகிறது. ஒரு ஆண் ஒரு பெண்ணை அழகு அறிவு திறமை என்று எந்த காரணத்திற்கு நேசித்திருந்தாலும் அவளை மனைவியாக்கிக் கொண்ட பின்னர் அவள் பெற்று கொடுக்கும் குழந்தையினால் அந்த பெண்ணை மேலும் நேசிக்கிறார், அதை விட அதிகமாய் அந்த குழந்தையை அந்த பெண் கண்ணும் கருத்துமாய் வளர்த்து ஆளாக்கும் போது அந்த பெண்ணின் மீது எல்லையற்ற மதிப்பும் அன்பும் வழங்குகிறார். இது இயற்கை.

இதை நன்கு உணரத் தவறுகின்ற பெண்டிரை ஆண் அறவே வெறுக்கிறார், அந்த வெறுப்பிற்கு ஆளாகும் பெண்ணின் மீது ஏற்ப்படும் வெறுப்புக்கு அளவே இல்லாமல் போகும் நிலை ஏற்ப்படுகிறது. திருமணத்திற்கு முன்னர் ஆண் பெண்ணின் மீது பொழிகின்ற அன்பிற்கும் திருமண வாழ்க்கையில் ஈடுபட ஆரம்பித்த பின்னர் மாறும் அன்பிற்கும் வித்தியாசம் உண்டு, கணவனது மனநிலையறிந்து வருவாயை அறிந்து உறவினர்களை உபசரித்து குடும்பத்தை அனுசரித்து நடத்தும் குணநலன்களால் அப்பெண்ணின் மீது கணவனின் அன்பு ஆழமானதாக மாற்றப்படுகிறது. ஒருவர் மீது ஒருவருக்கு இருக்கும் அன்பின் அர்த்தங்கள் மாறும் நிலை ஏற்ப்ப்படும்போது மாற்றங்களை இருவரும் புரிந்து கொள்வது அவசியமாகிறது. அப்படி ஒருவரையொருவர் புரிந்து அனுசரிக்காவிடில் குடும்பத்தில் அன்பும் சமாதானமும் நிலைத்திருக்கும் வாய்புகள் இல்லாமல் போகிறது.

திருமணவாழ்க்கை என்பதை மிகவும் சுவாரசியமானதாக்கிக் கொள்வதில் இவருடைய பங்கும் சரி சமமானதுதான், இரட்டை மாட்டு வண்டி போல இரண்டு பேரும் ஒரே விதமாக ஒரே நோக்கில் மனமொத்து வாழாவிடில் [உடலின்பம் அதி விரைவில் வெறுத்து போகும் தன்மையுடையது என்பதால்] சம்சாரத்தில் வெறுப்பு ஏற்ப்படும் சூழல் உருவாகிறது உடலின்பத்தை மட்டுமே அடிப்படையாக கொண்டது திருமண வாழ்க்கையல்லவென்பது இருவருக்கும் பந்தத்தில் ஈடுபடும் முன்னதாகவே தெரிந்திருக்க வேண்டியது கட்டாயம். திருமண வாழ்க்கையில் ஒவ்வொரு காலகட்டத்திலும் வெவேறான சூழல் உருவாகிறது அவற்றிற்கேற்ப இன்ப துன்பங்களும் மாறுபடுகிறது. உண்மையான அல்லது சரியான திருமண வாழ்க்கை என்பது நுனி கரும்பிலிருந்து அடிக்கரும்பை தின்பதை போன்றது துவக்க காலத்தில் லேசாக இருந்த அன்பும் மரியாதையும் காலம் செல்ல செல்ல அதிகரிக்கும் இயல்புடையது.

விட்டு கொடுப்பதை பற்றி பலரும் சொல்ல நாம் கேட்டிருக்கிறோம் ஆனால் எதை எதற்க்காக விட்டு கொடுப்பது என்பதை முடிவு செய்வது அவரவர் கையில் உள்ளது. விட்டு கொடுக்காவிட்டால் இருவர் ஒன்று சேர்ந்து வாழ்வது என்பது அரிது. அதைவிட பெரியது ஒருவர் மீது மற்றொருவர் வைத்திருக்கும் நம்பிக்கை, அதைவிட மிகவும் பெரிது ஒருவருக்கொருவர் நம்பிக்கை துரோகம் செய்யாமல் வாழ்வது. ஆக திருமண பந்தத்தில் பொறுப்புகள் என்பது ஆண் பெண் இருவருக்கும் சரிசமமானது, கடமைகள் சரிசமமானது, கண்ணியம் என்கின்ற நேர்மை சரிசமமானது, எந்த காரணத்திற்காகவும் ஒருவரை ஒருவர் மிஞ்ச வேண்டியது கிடையாது. திருமண வாழ்க்கை என்பது முகம் பார்க்கும் கண்ணாடி போன்றது சரியாக பிடித்து நம்மை நாமே பார்க்கும் வரையில் பொய்யான தோற்றத்தை நமக்கு காண்பிக்காது தவறினால் சுக்கு நூறாகிவிடும் என்பதும் நமக்கு நினைவில் இருக்க வேண்டியது அவசியமாகிறது.

9/17/2010

கற்ப்பு எங்கே

கற்புடையவள், பத்தினிகள் என்று பெண்களை வரையரைப்படுத்தி பார்ப்பது நியாயமா, கற்ப்பு என்பது என்ன, பத்தினி பெண்கள் என்றால் கற்ப்புடைய பெண்கள் என்பது பொருளா,

இரண்டாம் சந்திரகுப்தரின் காலத்தில் அதாவது 4 ஆம் நூற்றாண்டில் வாழ்ந்ததாக கூறப்படும் ஊமையாய் படிப்பறிவே இல்லாதிருந்தும் காளிதாஸ் துர்கையின் ஆசியால் பல நூல்களை இயற்றியதாக கூறப்படும் மகாகவி காளிதாசரால் வட மொழியில் எழுதப்பட்ட மிகவும் பிரபலமான நூல் சாமுத்ரிகா லட்சணம், ஆண் பெண்களின் அவயங்களை அடிப்படையாகக் கொண்டு

1). மான் 2). பெட்டை குதிரை 3). பெண் யானை மூவகை பெண் இனமென்று பிரித்து நான்கு வகை சாதியாக

1). பத்தினி 2). சித்தினி 3). சங்கினி 4). அத்தினி என்று பிரித்து உடலின் ஒவ்வொரு அங்கத்தின் அமைப்பிற்கேற்ப குணம் செயல் திறமை அதிஷ்டம் என்று வகைபடுத்தியதாக கூறப்பட்டுள்ளது. இதில் பத்தினி வகையை சேர்ந்த பெண்களை திருமணம் செய்து கொள்பவர் எல்லா அதிஷ்டங்களையும் பெறுவார், பத்தினி பெண்களுக்குரிய உடலமைப்பின்படி அப்பெண்கள் நன்னடத்தை கொண்டவர்களாக விளங்குவார் என்று குறிப்பிட்டுள்ளதாக கூறப்படுகிறது. இவற்றையெல்லாம் படித்து அறிந்திருக்க வேண்டியவர்கள் சிற்ப்பிகளும் ஓவியர்களும் என்பதும் குறிப்பிட்டுள்ளதாக கூறப்படுகிறது. ஆனால் இவையெல்லாம் எழுதப்பட்ட காலத்திலேயே அப்படிப்பட்ட அங்க அமைப்புள்ள பெண்கள் வாழ்ந்தனரா என்பதற்கு எவ்வித சான்றுகளும் கிடையாது.

ஆண்களுக்கும் சாமுத்ரிகா லட்சணங்கள் அங்க அமைப்பிற்கேற்றபடி எழுதப்பட்டுள்ளது, எந்த வகை பெண்கள் எந்த வகை ஆண்களுடன் திருமணம் செய்து கொள்வது சிறந்தது என்பதை கணித்துக் கூறுவதற்கு சாமுத்ரிகா லட்சணங்கள் அடிப்படையாக இருந்திருக்கக் கூடும் என்று கூறப்படுகிறது, ஆனால் அதற்கும் எவ்வித சான்றுகளும் இல்லை. சாமுத்திரிகா லட்சணக் குறிப்புகளை வைத்து ஆண் பெண்களை சரியாக ஜோடி சேர்க்கும் ஜோதிடர்களும் அதன் பிறகு இல்லை ஆகவே பத்தினி என்னும் வகைப் பெண்டிர் நிஜமாகவே வாழ்ந்தனரா என்பதற்கே சான்றுகள் இல்லாதிருக்கும் போது பத்தினி என்ற சொல்லுக்கும் நிஜ பெண்களுக்குமான ஒப்பிட்டு பார்ப்பது தேவையற்றதாகி விடுகிறது.

அடுத்ததாக கற்பு, ஒரு பெண் ஒரு ஆணுடன் உடலுறவில் ஈடுபடுவதால் கற்பு இழப்பதாக கூறப்படுகிறது. இதனால் திருமண பந்தத்திற்கு முன்னர் ஒரு பெண் ஒரு ஆணுடன் உடலுறவு கொள்வதை சமூகம் (தமிழகத்தில்) ஏற்ப்பதில்லை, அப்படி தவறிய பெண்களை கற்ப்பிழந்த பெண்கள் என்று குறிப்பிடுகின்றனர். கற்பு என்பது உடற் சம்பந்தப்பட்டதாக கருதப்படுகிறது. திருமண பந்தத்திற்கு பின்னர் திருமணம் செய்த ஆணுடன் அல்லது கணவருடன் உடலுறவு வைத்துக் கொள்வது மட்டுமே முறையானது என்பது தமிழகத்தில் கூறப்பட்டும் அனுசரிக்கபட்டும் வருகிறது. மனதில் வேறு ஆணுடன் காதல் அல்லது விருப்பம் இருப்பின் அதை வெளியில் சொல்லாத வரையில் அல்லது யாருக்கும் தெரியாத வரையில் தவறியதாக அல்லது கற்பிழந்ததாக குற்றப்படுத்துவதில்லை.

கற்பு என்பது உடலுறவு மட்டுமே என்பதால் ஏற்கனவே வேறு ஒருவரை அல்லது பலரை விரும்பி விட்டு சம்பந்தமே இல்லாத புதிய ஆணுடனோ பெண்ணுடனோ திருமணம் செய்து கொண்டு வாழ்வதையே சமூகம் ஏற்றுக் கொள்கிறது. மனதளவில் எப்படி இருந்தாலும் அல்லது மறைவில் எது நடந்தாலும் அவர் கற்பிழந்தவராக கருதப்படுவதில்லை. பெண்களுக்கு கன்னித்தன்மை உள்ளவரா கன்னித்தமையை இழந்தவரா என்பதை அறிய மருத்துவ சோதனைகளும் செய்யப்படுவதாக கூறப்படுகிறது. பெண்ணுக்கு மட்டுமே இதில் பெரும் பாதிப்புகள் ஏற்ப்படுகிறதே தவிர ஆண்களுக்கு மிகவும் குறைவாகவே பாதிப்புகள் ஏற்ப்படுகிறது. இதனால் மறைவான உறவுகள் பெருகிவருவதும் இயல்பாகி விடுகிறது.

இவ்வகை சமூக அவலங்கள் எப்போது மாறும்?

அதென்ன கள்ளக்காதல் !!

காதல் என்பது ஒன்றுதான், ஆனால் காதல் வயப்படுபவர்கள் யார் யார் என்பதை பொறுத்து காதலுக்கு சில காரணப் பெயர்கள் வைக்கப்படுவது நமது சமூகத்தில் விநோதமானது, 'கள்ளக்காதல்' என்பதற்குப் பொருள் ஏற்க்கனவே திருமணமான ஆணுடன் பெண்ணோ பெண்ணுடன் ஆணோ காதல் கொள்வதற்கு கள்ளக்காதல் என்று சொல்லுகிறார்கள், திருமணமாகாத இருவர் ஒருவர் மீது ஒருவர் கொள்ளும் காதலுக்கு 'கள்ளமில்லாக் காதல்' என்பது அர்த்தமா? இவ்வாறு காரணப்பெயர்கள் சூட்டப்படுவது, சமுதாய விதியினை வலியுறுத்தும் செயலாகவும் கணக்கில் கொள்ளலாம். எது எப்படி இருந்தாலும் காதல் என்பது யார் வேண்டுமானானும் எதன் மீதும் கொள்ளும் அனிச்சையான செயல் என்பதை யாராலும் மறுக்க இயலாது.

மிருகங்கள் மீதும் பறவைகள் மீதும் செலுத்தப்படும் அன்பிற்கு என்ன பெயர், இயற்கையின் மீது மனிதனுக்கு இருக்கும் ஈர்ப்பிற்கு என்னப் பெயர், ஆதிகாலத்தில் மனிதர்கள் கூட்டம் கூட்டமாக வாழ்ந்த போது ஒருவனுக்கு ஒருத்தி என்கின்ற வரையறை இல்லாதிருந்தது ஒரு பெண்ணிடம் பல ஆண்கள் உறவு கொண்டனர், பெண்ணிற்கு விருப்பமில்லாமலேயே உறவு கொண்டனர், இதனால் குழுக்களுக்குள் பிரச்சினைகளும் சண்டைகளும் ஏற்ப்பட்டன, நாளடைவில் சுயம்வரம் முறை உருவானது, மிருகங்களை வேட்டையாடி வீர தீர செயல்களை நிருபித்த பின்னர் பெண்ணை தனக்குறியவளாக ஆக்கிக்கொள்ளும் முறை உருவானது, அப்போதும் ஒரு ஆணுக்கு பல பெண்கள் ஏற்ப்படத்துவங்கினர்.

சமுதாயத்தில் நாகரீகங்கள் தோன்ற ஆரம்பித்த போது ஒருவனுக்கு ஒருத்தி என்கின்ற நீதியை கடை பிடித்தனர், அந்நீதியை கடை பிடிக்காமல் இருந்தவர்களை துன்புருத்தியதோடு அவர்களுக்கு பலவிதங்களில் தண்டனைகளும் கொடுத்தனர், இன்னும் கூட வட இந்திய மாநிலங்களில் உள்ள கிராமங்களில் ஒரு பெண்ணின் கணவன் இறந்து போனால் அந்த பெண்ணின் கணவரின் அண்ணன் அல்லது தம்பி அந்த பெண்ணை திருமணம் செய்து மனைவியாக்கிக் கொள்ளும் முறை நடப்பில் இருந்து வருகிறது. அரபு நாடுகளில் ஒரு ஆணுக்கு ஏழு மனைவிகளை திருமணம் செய்து கொள்ளும் முறை நடப்பில் உள்ளது, ஏற்க்கனவே திருமணமாகி கணவனை இழந்த கைப்பெண்ணாக இருந்தாலும் வயதில் ஆணை விட மூத்தவராக இருந்தாலும் அந்த பெண்ணை ஆண்கள் திருமணம் செய்து கொள்ளும் முறையும் அங்கு நடப்பில் உள்ளது.

தமிழகத்தில் காணப்படும் முறை மாமனை திருமணம் செய்து கொள்ளும் வழக்கம் பல இந்திய மாநிலங்களில் இல்லாமல் இருப்பதும் தாய் மாமனை திருமணம் செய்யும் முறை கேரளா போன்ற மாநிலங்களில் வழக்கத்தில் இல்லை. தமிழகத்தில் தாயுடன் பிறந்த சகோதரிகளின் பிள்ளைகளையும் தகப்பனுடன் பிறந்த சகோதரர்களின் பிள்ளைகளையும் திருமணம் செய்து கொள்ளும் வழக்கம் கிடையாது, மாறாக அவர்களை சகோதர சகோதரி முறையாக கொள்வதே வழக்கம், இவ்வாறான வழக்கம் மேலை நாடுகளிலும் கூட வழக்கில் உண்டு, ஆனால் முகமதியர்கள் முறையில் இவர்களை சகோதர சகோதரிகளாக முறை கொள்வது கிடையாது மாறாக இவர்கள் திருமணம் செய்து கணவன் மனைவியாக்கப்படுவது வழக்கில் உள்ளது.

இவ்வாறான பல வித வழக்கங்கள் ஒவ்வொரு சமுதாயத்திலும் வேறுபடுகிறது. கள்ள காதல் விவகாரம் என்பது இவை எல்லாவற்றிற்கும் அப்பாற்பட்டதாக எல்லா சமுதாயத்தாலும் புறக்கணிக்கபட்டதாக உள்ளது. கணவனோ மனைவியோ தாம்பத்ய வாழ்க்கைக்கு உதவாதவராக இருப்பின் இத்தகைய தகாத உறவுகள் ஏற்ப்படுவது தவிர்க்க இயலாதது, கணவனது செயல்கள் மனைவிக்கோ மனைவியின் செயல்கள் கணவனுக்கு ஒத்து போகாத திருமண பந்தத்தை விவாகரத்து செய்வதே சிறந்தது. மனைவியின் தவறான போக்கும் கணவனின் தவறான போக்கும் வீணான சண்டைகளையும் சமாதானக் குறைவையும் ஏற்ப்படுத்தும் போது அந்த பந்தத்திலிருந்து தங்களை இருவரும் பிரித்துக் கொண்டு விடுவது மட்டுமே சிறந்த தீர்வாக இருக்க முடியும்.

கள்ளக்காதலுக்காக கொலை செய்து விட்டு காலமெல்லாம் சிறை வாழ்க்கையில் இருப்பதை விட தகாத உறவு கொள்பவர்களை விட்டுவிட்டு தங்களது வாழ்க்கையை வேறுபடுத்திக்கொள்ளும் மனபக்குவம் பலருக்கு இல்லாமல் போவதும், பிரச்சினைகளால் கோப உணர்வுகள் மேலும் அதிகரித்து கொலை செய்ய தூண்டி விடுவதால் சம்பந்தப்பட்ட பலரும் வாழ்க்கையில் வேதனை அனுபவிக்க வேண்டிய கட்டாயத்தை ஏற்ப்படுத்திக் கொள்வதை தவிர்க்க வேண்டும். இதற்க்கு மன வலிமையையும், உடனிருப்பவர்களின் சரியான வழி காட்டுதலும் உதவும். காதலும் காமமும் சேர்ந்ததுதான் கள்ளக்காதலின் அடிப்படை, இதற்க்கு பலியானவர்கள் சம்பந்தப்பட்ட இருவராக மட்டுமே இருந்துவிட முடியாது, சம்பந்த பட்ட இருவர் மட்டுமே கள்ளகாதலினால் துன்பங்களையும் இன்பங்களையும் அனுபவிக்க விட்டு விட்டு ஏனையோர் அதில் தலையிடாமல் இருந்து விட்டால் பிரச்சினைகள் ஓரளவு கட்டுக்குள் இருந்துவிடும். கோபத்தில் கொலை செய்வதால் பிரச்சினைகளை அடுத்தவர்களும் அனுபவிக்கும் சூழல் ஏற்ப்படும்.

கள்ளகாதலுக்கு பலியானவர்கள் சம்பந்த பட்ட இருவராக மட்டுமே இருந்தால்தான் 'உப்பு தின்றவன் தண்ணீர் குடிப்பான்' என்பதற்கு ஏற்ப தவறு செய்தவர்கள் தண்டனை அடைய முடியும், இல்லையென்றால் தவறு செய்தவரை தண்டிக்கப் போனவர்களும் தண்டனையை அனுபவிக்க வேண்டிய நிர்பந்தத்திற்கு உள்ளாகின்றனர். இடையில் சம்பந்தமே இல்லாத அப்பாவி குழந்தைகளின் வாழ்க்கை கேள்விக் குறியாக்கப்படுகிறது. நான் பார்த்த ஒரு சிலரின் வாழ்க்கையில் அவர்களது மனைவிகளின் தகாத உறவால் மனைவி கள்ள காதலனுடன் சென்றுவிட குழந்தைகளுடன் தனிமைபடுத்தபட்ட கணவன் மனதில் வருத்தம் மிகுந்திருந்தும் வாழ்க்கையை கடத்தினர், தங்களது உதவிக்கு ஒரு பெண் வேண்டும் என்று வேறு ஒரு பெண்ணை தனது அப்பாவிற்கு திருமணம் செய்வித்த பிள்ளைகளுடன் வாழ்ந்து தன் வாழ்க்கையை கழித்த ஒருவரை பார்த்திருக்கிறேன், மனைவி வேறு ஒருவருடன் தொடர்பு வைத்திருக்கிறார் அதனால் நானும் வேறு ஒரு பெண்ணை வைத்துக்கொள்வேன் என்று தன் வாழ்க்கையில் வேறு ஒரு பெண்ணை ஏற்றுக்கொண்டு தன் வாழ்க்கையை மேலும் மோசமாக்கிகொண்ட ஒரு தகப்பனையும் பார்த்திருக்கிறேன், யாருடனோ மனைவி ஓடி போனால் போகட்டும் தன் பிள்ளைகளுடனேயே மீதி காலத்தை வாழ்ந்துவிட்டு இறந்த ஒரு தகப்பனையும் பார்த்திருக்கிறேன். இப்படி பலரை பார்த்திருந்தாலும், நான் சிலரை நினைத்து வருத்தமடைவதும் உண்டு, அவர்கள் ....

கொலை செய்துவிட்டு சிறைவாசம் செல்பவர்கள்....... யாருக்கு என்ன லாபம்...

9/16/2010

விடிந்தால் திருமணம்

விடிந்தால் திருமணம், இரவு இரண்டு மணிவரையில் ஏதேதோ சடங்குகளை செய்தனர், மீதமிருந்த இரண்டுமணி நேரத்தில் சத்திரத்தில் இருந்த அறையில் உறங்கிக்கொண்டிருந்தவர்களுடன் படுத்த போது மீண்டும் மீண்டும் மண்டைக்குள் நண்டூருவது போல உறுத்தல், தனக்கு பார்த்த பெண்களையெல்லாம் ஏதேனும் காரணம் சொல்லி திருமணத்தை தவிர்த்தும் கடைசியில் மாமன் மகள் சொரணாவிர்க்கு பேசி முடித்துவிட்டனர், இந்த சம்பந்தத்தை எந்த குறையும் சொல்லி நிறுத்த முடியாதபடி பெற்றோரும் அக்காவும் சேர்ந்து ரகுவின் சமதமின்றி முடிவு செய்துவிட்டு நிச்சயதார்த்தம் நடக்கவிருந்த இரண்டு மணிநேரத்திற்கு முன்னர் ரகுவிற்கு தெரிவித்தனர்.

தாலி கட்டிவிட்டாலும் கட்டாவிட்டாலும் இனி சொர்ணாவை வேறு ஒருவருக்கு திருமணம் செய்து வைக்க இயலாது, ரகுவிற்கு தான் வாழ்வதில் அர்த்தமே இல்லை என்று தோன்றியது, விடியற்காலை நான்கு மணிக்கு முகூர்த்தம் என்பதால் திருமண மண்டபத்தில் பரபரப்பு துவங்கிவிட்டது, குறித்த நேரத்தில் எல்லாவித சடங்குகளுடன் ரகுவிற்கும் சொரணாவிர்க்கும் திருமணம் நடந்து முடிந்தது. அடுத்தநாள் காலை அலுவலகத்திற்கு நிச்சயம் போக வேண்டும் என்று சொல்லிவிட்டு ரகு அலுவலகத்திற்கு கிளம்பி விட்டான், சொர்ணாவின் முகத்தில் சிறிதும் வருத்தம் தெரியவில்லை,

அலுவலகம் சென்ற ரகு இரவு மணி பதினொன்று ஆகியும் வீட்டிற்கு திரும்பி வராமல் போனதால் அவனது கைபேசிக்கு தொடர்பு கொண்டு பேசியபோது கைபேசி அலுவலகத்திலிருந்த அவனது மேசையிலிருந்ததாக ஊழியர் ஒருவர் சொல்ல ரகு கைபேசியை மறந்து அலுவலகத்தில் வைத்துவிட்டு சென்றிருப்பது தெரியவந்தது. அது மட்டுமில்லாமல் ரகு தனது வேலையை ராஜினமா செய்வதாக கடிதம் ஒன்றையும் அலுவலகத்தில் கொடுத்திருப்பதும் தெரிய வந்தது. இதை கேட்ட ரகுவின் வீட்டாருக்கு அதிர்ச்சி, நடந்த திருமணத்தில் ரகுவிற்கு உடன்பாடு இல்லாமல் இருந்திருக்கலாம் என்பது விளங்கியது.

நாட்கள் மாதங்களாகி மாதங்கள் வருஷங்களாகியும் ரகு எங்கே போனான் என்ன ஆனான் என்பதே யாருக்கும் தெரியவில்லை, சொர்ணாவை இரண்டாம் தாரமாக வேறு ஒருவருக்கு திருமணம் செய்துவைத்தனர். புண்ணியத்தலங்களை பாரத்துவிட்டு வருவதற்கு கிளம்பிய ரகுவின் பெற்றோர் காசிக்கு புனித நீராடச் சென்றபோது அங்கு சடை முடியும் காவி உடையுமாக நடந்து கொண்டிருந்த சாதுக்களில் ஒருவராக ரகு இருப்பான் என்று அவன் பெற்றோர் நினைத்திருக்க வாய்ப்பில்லை, பெற்றோர் காசிக்கு வந்திருப்பதை ரகும அறிந்திருக்க வாய்ப்பில்லை. ஆனால் அவனது தாய் மட்டும் மகன் ரகுவின் வயதையொத்த ஆண்களை காணும்போது அது ரகுவாக இருக்குமா என்று உற்று நோக்கத் தவறுவதில்லை.

ரகு தனக்கேற்ற பாதையை சரியாக தெரிந்து கொண்டதால் வாழ்க்கை சுமையாக இருக்கவில்லை, சம்சாரியாவதற்க்கு தேவையான எந்த தகுதியும் தனக்கில்லை என்பதையுணர்ந்த ரகு சன்யாசம் தேர்தெடுத்தது சரியானதே, சம்சாரியாவதற்க்கு தேவையான உணர்வுகளை அதிகம் கொண்டவர்கள் சன்யாச வாழ்வை தேர்தெடுப்பதில் உள்ள சிரமங்களை ரகு நன்கு உணர்திருந்தான், இதை சரியாக அறிந்து கொள்ளாத பெற்றோரின் தவறுக்கு ரகு பொறுப்பேற்க தயாராக இல்லை.

9/09/2010

நடிகர் முரளி - அஞ்சலி


தினமும் உலகின் மக்கள் தொகையில் ஐம்பது சதவிகிதத்திற்கும் மேலானோர் விபத்துக்களில் திடீர் மரணமடைகிறார்கள், ஐம்பது சதவிகிதத்திற்கும் மேல் பலர் உறக்கத்திலேயே காரணமே இல்லாமல் மரணமடைகிறார்கள், பிறப்பை விட இறப்பு அதிகமா, இறப்பை விட பிறப்பு அதிகமா என்று பார்த்தால்

ஒரு வருட பிறப்பு
128.9 மில்லியன்
ஒரு வருட இறப்பு
53.4 "
தினசரி
பிறப்பு 353,015
தினசரி இறப்பு 146,357
ஒருமணி நேரத்தில்
பிறப்பு 14,709
ஒருமணி நேரத்தில் இறப்பு 6098
ஒரு நிமிடத்திற்கு பிறப்பு 245
ஒரு நிமிடத்திற்கு இறப்பு 102
ஒரு நொடிக்கு பிறப்பு 4
ஏறக்குறைய ஒரு நொடிக்கு 2 பேர் மரணமடைகின்றனர்

என்கின்ற தகவல் நமக்கு கிடைக்கின்றது, சராசரி மனிதனின் ஆயுட்காலம் 66 வருடங்கள் என்று புள்ளிவிவரங்கள் தெரிவிக்கிறது, இப்படி உலகில் சராசரியாக எத்தனையோ பேர் அகால மரணமடைந்தாலும் திடீர் மரணமடைந்தாலும் அவர்களை நமக்கு பரிச்சயமில்லாமல் இருப்பதால் நாம் அவற்றை பற்றி சிந்திப்பதோ கவலைபடுவதோ கிடையாது.

இந்தியாவில் திரைப்படமும்
திரையுலக நடிகர் நடிகைகளை வாழ்வின் மிக முக்கிய அங்கமாக கருதும் ரசிகர்கள் நிறைந்து காணப்படுவதால் குறிப்பிட்டவர்கள் மரணமடையும்போது அவரது ரசிகர்கள் கவலையடைவதையும் தவிர்க்க இயலாது. அதிலும் இளம் வயதிலேயே எதிர்பாராத வகையில் மரணமடைந்துவிட்டால் தன் வீட்டில் ஒருவரை இழந்தது போல மனம் வேதனையடைவதை தவிர்க்க இயலாது என்பதற்கு உதாரணம், புதன் காலை திடீர் மரணமடைந்ததாக செய்தியில் கேட்ட நடிகர் முரளியின் மரணம்.

சில நாட்களுக்கு முன்னர் விஜய் தொலைக்காட்ச்சியில் 'காப்பி வித் அனு' என்கின்ற நிகழ்ச்சியில் 'பாணா காத்தாடி' திரைப்படத்தில் நடித்திருக்கும் அவரது மகனுடன் முதன் முதலாக சின்னத்திரையில் பார்த்த போது முதல் திரைப்படத்தில் பார்த்த அதே முரளியைத்தான் பார்க்க முடிந்தது, அதன் பிறகு சமீபத்தில் நடிகை லெட்சுமியுடன் 'கதையல்ல நிஜம்' நிகழ்ச்சியிலும் மீண்டும் அப்பாவும் மகனும் பேசியது கடைசியாகிவிடும் என்று யாரும் நினைத்திருக்க முடியாது. மிகவும் நல்ல மனிதர் என்பதை ஒருமுறை அவரும் அவரது மனைவியும் சொந்த வீடு வாங்குவதற்காக எங்கள் வீட்டின் அடுத்த வீட்டை பார்க்க வந்திருந்தனர், அப்போது அவரை பார்க்க வீதியில் செல்பவர்கள் நின்று அவரை வேடிக்கை பார்த்தனர், பந்தா இல்லாத மிகவும் எளிமையான நல்ல மனிதர் என்பதை புரிந்துகொள்ள முடிந்தது.

நல்லவர்களுக்கு மரணம் கூட இப்படித்தான் வந்துவிடும் போல் உள்ளது, மரணத்தில் கூட அமைதியுடனேயே மரணமடைவது எல்லோர்க்கும் கிடைக்காது, அவர் மிகவும் நல்லவராக வாழ்ந்ததினால் மரண அவஸ்த்தை அடையாமலேயே இறந்துவிட்டாரோ என்றும் நினைக்க வைக்கிறது. ஆனால் அவரது குடும்பத்தினருக்கு அவரை திடீரென்று இழந்தது மரண அவஸ்த்தைதான், அன்னாரின் ஆன்மா சாந்தியடைய இறைவனை வணங்குவோம்.














9/06/2010

ஒன்று படுவோம் வல்லரசாக்குவோம் !! வாரீர் !!

அமெரிக்க ஜனாதிபதி பாரக் ஒபாமாவின் ஈராக் போர் நிறுத்த அறிவிப்பும் அங்கிருக்கும் அமெரிக்க போர் படைகளை திரும்ப அழைக்கும் முடிவும் அமெரிக்க மற்றும் அரபுநாடுகளில் உள்ள மக்களுக்கு மாத்திரமல்லாமல் மத்திய கிழக்குநாடுகளுக்கு நிம்மதியை கொடுக்கும் என்று எதிர்பார்க்கப்படுகிறது. ஒபாமாவின் கருத்துக்கு அமெரிக்கமக்களின் பேராதரவு நிச்சயம் என்பதில் சந்தேகமில்லை, போர் நிறுத்த முடிவு மட்டுமில்லாமல் உள்நாட்டின் வேலை மற்றும் பொருளாதார அபிவிருத்திக்கான புதிய திட்டங்களையும் பாரக் ஒபாமாவின் தலைமையிலான அரசு செய்யவிருப்பதை அவரது அறிக்கையில் தெரிவிக்கபட்டிருப்பதால் அமெரிக்காவின் பொருளாதாரமும் வேலைவாய்ப்புகளும் மறுபடியும் சீரடையும் என்று எதிர்பார்க்கபட்டாலும் இந்தஅறிக்கை வரபோகின்ற அமெரிக்க பொது தேர்தலில் தங்களது கட்சிக்கு மக்களின் ஆதரவை திரட்டி வெற்றி வாய்ப்பை பெறுவதற்காகவே வெளியிடப்பட்டுள்ளது என்கின்ற எதிர்கட்சிகளின் கூக்குரலும் ஒலிக்கத் தவறவில்லை.

மாவோயிஸ்ட்டுகளின் மனிதவேட்டைக்கும் தீராத போராட்டங்களுக்கும்
இந்திய அரசியலின் மிகப்பெரிய வெற்றியாக முடிவு கிடைக்கும் என்றும் எதிர்பார்க்கப்படுவதாலும் சோனியா காந்திக்கு காங்கிரஸ் கட்சியின் தலைவர் பதவி திரும்பவும் கிடைத்திருப்பதால் மன்மோகன் சிங்கின் தலைமையிலான மத்திய அமைச்சரவைக்கு மீண்டும் பதவியேற்கும் வாய்ப்பு கிடைக்கும் என்பதிலும் நம்பிக்கை தெரிகிறது. சோனியாகாந்தியின் காங்கிரஸ் கட்சியின் தலைவர் பதவியை பற்றிய அக்கறை அக்கட்சியின் உறுப்பினர்களுக்கு மட்டுமே இருக்கவேண்டுமே தவிர எதிர்கட்சியின் சிந்தனைக்கும் வாதத்திற்கும் அவசியமற்றது என்பதை எதிர்கட்சிகள் அறியவேண்டியது அவசியம். எதிர்கட்சி என்பதற்கு அர்த்தம் எதிரிகள்கட்சி என்று புதிய அகராதியை தோற்றுவிக்கும் இந்திய கட்சிகளின் குற்றச்சாட்டுகளையும் நடவடிக்கைகளையும் கவனித்தால் நாட்டை ஜாதி மத இன வேறுபாடுகளால் மட்டுமின்றி எந்தவித பிரச்சினையாலும் பிரித்து குளிர்காய நினைக்கும் தரம் கெட்ட அரசியலை 'சாக்கடை' என்று சொல்லி வருங்கால இளைஞர்கள் ஒதுங்கிச் செல்லாமல் சாக்கடையை மூடிவிட்டு புதிய வழிகளை காணாவிட்டால் இந்தியநாடு வல்லரசாகுமா என்கின்ற கேள்விக்கு கூட இடமில்லாமல் போகும் நிலையை தவிர்க்க இயலாது.

தன்னலமற்ற தலைவர்களை ஈன்றெடுத்த இந்திய மண்ணில் தன்னலம் மிகுந்த தலைவர்களை இந்திய தேசம் ஒருகாலும் உருவாக்க கூடாது என்பதில் உறுதியாக இருத்தல் இன்றைய இந்தியாவிற்கு மிகவும் அவசியம். 'ஊரு ரெண்டுபட்டால் கூத்தாடிக்கு கொண்டாட்டம்' என்கின்ற பழமொழிக்கேற்ப ஜாதி இனம் மதம் நாடு ஆகியவற்றை கடந்து 'அரசியல் கூத்தாடிகளுக்கு' இடம் கொடாமல் இருக்க இளைஞர்கள் அரசியலுக்கு தங்களை அர்ப்பணிக்க வேண்டும். லஞ்சமோ பஞ்சமோ நாட்டை சூறையாட அனுமதிக்க கூடாது. கொஞ்சும் மொழி பேசும் வஞ்சியரைப் பற்றிய கனவில் இளமையை வீணடிக்காமல் நாட்டிற்கும் வீட்டிற்கும் நன்மை பயக்கும் வழிகளில் முனைப்புடன் பணி செய்தால் வல்லரசாகுமா என்கின்ற கேள்விக்கே இடமிராது. ஒபாமாவின் அறிக்கைக்கு செவி சாய்க்கும் அமெரிக்காவின் மக்களைப் போல செயல் வீரர்கள் இந்தியதேசத்திற்கு முக்கிய தேவை, அமெரிக்காவின் பல கலாச்சாரங்களை விரும்பி ஏற்கின்ற இளைஞர்கள் அமெரிக்கர்களைப் போல அர்ப்பணிப்பும் தேசிய பற்றும் மிகுந்து தங்களை அரசியலில் இணைத்துக் கொள்ள முன்வர வேண்டும்.

மக்கள் சக்திக்கு இணையான சக்தி உலகில் வேறில்லை என்பதை இளைஞர்சமுதாயம் உணரவேண்டும், நாளைய இந்தியாவில் அமெரிக்கர்கள் பணிசெய்ய விண்ணப்பித்து காத்து கிடக்கின்ற நிலையை உருவாக்க வேண்டும், அப்துல்கலாம் சொன்னது போன்று வெறும் கனவிலேயே நின்றுவிடாமல் கனவுகளை நனவாக்க முயற்ச்சிகளையும் மேற்கொள்ளுதல் மிகவும் அவசியமானது. இளைஞர்களே ஒன்றுபடுங்கள், 'ஒன்று பட்டால் உண்டு வாழ்வு; இங்குஒற்றுமை நீங்கிடில் அனைவர்க்கும் தாழ்வே'.

அமலாக்கபட்டிருக்கும் விதிமுறைகள் கோமாவில் உள்ளது

மருத்துவ ஸ்தாபனங்களில் நடக்கும் பலதரப் பட்ட ஏமாற்று வேலைகளை ஒரே இடுகையில் கொட்டி தீர்க்க இயலாது, சென்னையில் உள்ள பிரபல பரிசோதனை மையத்தில் நடந்த ஒரு சம்பவம், அங்கு பலவித உடல் பரிசோதனைகளை செய்ய வருகின்ற நபர்களுக்கு அவர்கள் அணிந்திருக்கும் உடை நகை போன்றவற்றை கழற்றி சிறிய அறைகள் கொண்ட அலமாரியில் வைத்துவிட்டு அடுத்த அல்லது வேறு அறைகளுக்குச் சென்று குறிப்பிட்ட ஸ்கேன் அல்லது வேறு விதமான உடல் பரிசோதனைகளை செய்வதற்கு நோயாளியை அழைத்துச் செல்லும்போது நகைகள் மற்றும் பணப்பையை கூட அந்த சிறிய அறைகள் கொண்ட மர அலமாரியில் வைத்துவிட்டு அதற்குரிய சிறிய சாவியையும் எடுத்துச் செல்லும்படி நமது கையில் கொடுக்கிறார்கள்.

நோயாளியின் உடன் வருபவர் நோயாளியுடன் உதவிக்குச் செல்லும் போது அவர்கள் வைத்துவிட்டு போகும் நகை பணம் வைத்திருக்கும் அலமாரியை அங்கு வேலை பார்க்கும் ஆண் ஊழியர்கள் அதே போன்ற வேறு சாவியை போட்டு திறந்து பணம் நகை எதையாவது திருடிவிடுகின்றனர். இத்தகைய பாதுகாப்பின்மை அங்குள்ள அலமாரியில் உள்ளது என்பதை நோயாளியுடன் வந்திருப்பவர் முன்னரே அறிந்திருக்கவில்லை என்றாலோ நோயாளியை பற்றிய கவலையிலும் சிந்தனையிலும் இருக்கும் போது அவிழ்த்து வைக்கும் பொருட்களின் மீதான அக்கறையும் நினைவும் குறைந்திருக்கும் நிலையை உபயோகித்து அவர்கள் வைத்துவிட்டு போகும் நகை மற்றும் பணத்தின் மீது குறி வைத்து திருடும் அநியாயம் நடந்துவருகிறது.

திருட்டு போன பின்னர் கேட்டால் அதற்க்கு
அங்குள்ளவர்கள் யாரும் பொறுப்பேற்க தயாராக இல்லை, இதனால் அங்கு போகும் புதிய நபர்கள் கவனக் குறைவாக செயல்பட்டால் இத்தகைய இழப்பிற்கு ஆளாக நேருகிறது. சி.டி.ஸ்கேன் எடுப்பதற்கு பத்தாயிரம் முதல் பதினைந்தாயிரம் வரையில் ஒவ்வொரு இடத்தில் வெவ்வேறு தொகை வசூலிக்கப்படுகிறது, சில நோயாளிகளுக்கு சி.டி ஸ்கேன் எடுக்க அவசியம் இல்லாவிட்டாலும் கூட அனாவசிய செலவினமாக அத்தனைப் பெரிய தொகையிலான செலவை ஏற்க்க வேண்டிய நிலையை மருத்துவர்களின் அசட்டையான போக்கினால் ஏற்ப்படுகிறது, பல் மருத்துவத்திற்கு ஒவ்வொரு இடத்தில் ஒவ்வொரு கட்டணம் வசூலிக்கப்படுகிறது, பல மருத்துவமனைகளில் மருத்துவர் அங்கு அனுமதிக்கபட்டிருக்கும் நோயாளிக்கு எழுதி கொடுக்கும் மருந்து பொருட்களை அங்குள்ள செவிலிகள் எடுத்துச் சென்று மருந்துக்கடைகளில் விற்று பணமாகக்கிக் கொள்ளும் திருட்டு வேலைகளுக்கு பஞ்சம் இருப்பதில்லை.

ஒரு சில வியாதிகளுக்கு அறுவை சிகிச்சையைத் தவிர அல்லோபதி மருத்துவத்தில் வேறு தீர்வுகளே இல்லை என்பதால் அறுவை சிகிச்சைகளுக்கு பல ஆயிரம் ரூபாய்களை செலவு செய்யும் நிலை ஏற்படுகிறது, சில மருத்துவமனைகளில் இன்சூரன்ஸ் கம்பனிகளிலிருந்து அறுவை சிகிச்சைக்கான பணத்தை நோயாளிக்காக மருத்துவமனைகள் பெற முடிவதால் நியாயமான தொகையை இன்சூரன்ஸ் கம்பெனிகளிலிருந்து பெறாமல் இருமடங்கு அதிகமான தொகையை பெற்று கொள்ளை லாபம் பெறுகின்றனர். பரிசோதனை மையங்களில் பலவற்றில் சோதனை செய்யாமலேயே பரிசோதனைக்கான முடிவுகளை எழுதி கொடுத்துவிட்டு 3000, 5000 என்று கட்டணம் வசூலித்து அதின் கமிஷனை மருத்துவருக்கு கொடுக்கின்றனர். இப்படி செய்வதால் பாதிப்பிற்கு உள்ளாவது நோயாளிகள் மட்டுமே.

ஒவ்வொன்றிற்கும் கட்டணத்தை அரசு நிர்ணயம் செய்து அத்தகைய கட்டணத்தைவிட கூடுதலாக வசூலிப்பவருக்கு அபராதம் வழங்கினால் இத்தகைய அக்கிரமங்கள் நடக்காது. நமது நாட்டில் ஏற்கனவே நடைமுறைபடுத்தபட்டிருக்கும் பலவிதமான விதிகளின்படி ஒவ்வொரு துறையிலும் செயல்பாடு இருந்திருந்தால் நாட்டில் எத்தனையோ அக்கிரமங்கள் இல்லாமல் இருந்திருக்கும், லஞ்சம் வாங்கிக் கொண்டு அமலில் இருக்கும் சட்டத்திற்கு புறம்பான காரியங்களை செய்பவர்களின் எண்ணிக்கை நாளுக்குநாள் அதிகரித்து வருவதால் நாட்டில் ஏற்க்கனவே நடைமுறைக்கு உட்படுத்தபட்டிருக்கும் பல விதிகள் மீறப்பட்டு வருவதே சகஜமாகி வருகிறது. எதற்காக சட்டதிட்டங்கள் போடப்படுகிறது என்பதே இன்றைய
நிலையில் கேள்விக்குறியாக இருப்பதை பார்க்கும் போது நாளைய நிலையைப்பற்றிய பயம் அதிகமாகி வருகிறது.

9/05/2010

கொள்ளையடிக்கும் மருத்துவ ஸ்தாபனங்கள்

தேசப் பிதா என்றழைக்கப்படுகின்ற மகாத்மா காந்தியை நாம் மறக்கவே கூடாதுதான், ஆனால் இன்றைய உலகில் கடவுளையே கேலிசித்திரம் ஆக்கப்பட்டுவிட்ட நிலையில், பிள்ளைகள் தங்களைப் பெற்ற பிதாக்களை மறந்துவிடுவது சகஜமாகிப் போய் பணம் பணம் என்றே மனம் இரவும் பகலும் ஓய்வு ஒழிச்சலின்றி அலைந்துக் கொண்டிருக்கின்ற கால கட்டத்தில் தேசப்பிதாவை எங்கே நினைவு வைத்துக் கொள்ள இயலும் என்பதை முன் கூட்டியே யோசித்த நமது முன்னோர்கள் பணப்பையை நெஞ்சில் சுமக்க முடிவு செய்து இதயமே இல்லாமல் போனாலும் சட்டைப்பை இல்லாமல் மனிதர்கள் வாழப்போவதில்லை என்பதை அறிந்து, அதனுள் வைத்து பாதுகாக்கும் பணத்திலாவது தேசப்பிதா மகாத்மா காந்தியடிகளின் உருவத்தை அச்சடித்து வைத்தனர் போலும்.

ரூபாய் நோட்டுக்களிலும் நாணயங்களிலும் நாணயமே இல்லாதவர்களையும் நாகரீகத்தில் தி
றிக்கொண்டிருப்பவர்களின் சட்டைபைகளின் உள்ளேயும் எப்போதும் காந்தி சிரித்துக் கொண்டிருப்பதை பார்த்தால் நாம் உயிர் மூச்சைப் போல மதிக்கின்ற பணத்தின் மூலம் அவர் நம்மை பார்த்து கேலியாக சிரிப்பதை போலத்தான் நினைக்கத் தோன்றுகிறது. இடம்விட்டு இடம் மாறிக்கொண்டே இருக்கும் பணம், இரும்புப் பெட்டியினுள் கட்டுக்கட்டாய் 'வெள்ளை', 'கரு'ப்பில் அடைத்து வைக்கபட்டிருக்கும் ரூபாய் நோட்டுக்களிலும் அமெரிக்க டாலர்களில் காணும் பல முகங்கள், இவ்வாறு பணத்தின் மீது அச்சடிக்கபட்டிருக்கும் இவர்களைப் பற்றி யாரேனும் ஒரு சிலநிமிடமோ நொடியோ நினைப்பதுண்டா, கிடையவே கிடையாது. கையில் கிடைக்கும் பணம் யார் யாரிடம் எதற்காக கைமாருகிறதோ அதனுடன் சேர்ந்து அந்த அச்சடிக்கப்பட்ட படங்களும் கைமாருகிறதே,

பாவம் அவர் புகழ் இப்படியும் கேவலப்படுத்தபடுகிறதே, மேன்மைபடுத்துவதற்காகவே ரூபாய்களில் பெரியோரின் படம் அச்சடிக்கும் வழக்கம் ஏற்படுத்தபட்டிருக்கவேண்டும் ஆனால் அவற்றை உபயோகிப்பவர்களின் கைகளில் சிக்கி பலவித நாசமோசங்களுக்காவும் மோசக்காரர்களின் கைகளுக்கு இவர் படம் பணத்தின் உருவில் தரம் தாழ்ந்த செயல்களுக்கும் தரக்குறைவான காரியங்களுக்கும்உபயோகிக்கப்படுகிறதே, இதனால் இவர்கள் ஆன்மாக்கள் நிச்சயம் பெருமை படவாய்ப்பே இல்லை. மருத்துவர்களை தெய்வமாக எண்ணிய காலம் மாறி மருத்துவ ஸ்தாபனங்களில் பகல் கொள்ளை நடக்கிறதே, யாராவது ஏமாந்தால்போதும் என்று உடல்நலம் காண செல்பவரை பலியாடுகளாக்கும் மருத்துவக் கொள்ளைகள் நாடெங்கிலும் நடந்து வருகிறதே, வருமானவரி செலுத்தாத திருட்டுப்பணம் மருத்துவ உலகில் பலரின் உயிர் கொல்லியாக இருந்து வருகிறதே, அதில் உள்ள காந்தியின் புகைப்படம் எப்படி மேன்மையடைந்ததாக கருத முடியும்.

தொடரும்..

9/01/2010

இளைஞர்களுக்கு ஓர் வேண்டுகோள் - கடிதம் 4

அன்புள்ள இளைய சமுதாயமே

உங்கள் மீதுள்ள அக்கறையும் அன்பும் எதிர்கால சந்ததியினர் மீதும் வளங்களின் மீதும் ஏற்பட்டுள்ள தீராத ஐயத்தின் பால் உங்கள் கவனத்திற்கு கீழ்கண்டவற்றை கொண்டுவர மனம் சொன்னது, இதை படிக்கும் இளைஞர்கள் சற்றே யோசிக்க வேண்டும் என்று அன்பு கட்டளையாக எழுதும் இந்த கடிதம் நிச்சயம் உங்களை யோசிக்க வைத்தால் நான் மிகவும் சந்தோஷமடைவேன் என்பதில் சந்தேகமில்லை. இளைஞர்கள் நினைத்தால் முடியாத காரியம் எதுவும் இல்லை என்பதில் எனக்கு சிறிதேனும் சந்தேகமில்லை.

இளைஞர்களை
மிக அதிகமாக கொண்டிருக்கும், எண்ணற்ற இயற்க்கை வளங்களை பூமியில் வைத்திருக்கும், விவசாயத்திற்கு உகந்திருக்கும் மண் வளமும் சீதோஷ்ணமும் அருமையாக அமைக்கபட்டிருக்கும் இந்தியாவில் வாழும் இளைஞர்களின் இன்றைய இன்னொரு முகம் கஞ்சா அபின் போன்ற போதை மருந்துக்கு அடிமை, பணத்திற்காக எதையும் செய்கின்ற கீழ் தரமான மனநிலை, பெரியோரை அவமதித்தல், பெரியோரின் நல்ல போதனைகளுக்கு எதிராக செயல்படுதல் என்று இன்றைய இளைஞர்களின் நிலையில் ஏற்பட்டிருக்கும் மோசமான மாற்றம் நாளைய இந்தியாவின் நிலை என்னவென்பதை முன்னோட்டம் காண்பிக்கிறது. படித்த படிப்பிற்கு ஏற்ற வேலை வேண்டும் என்று எல்லோரும் நினைப்பதில் தவறில்லை, விலைவாசி ஏற்றத்தை குறை கூறும் நாம் ஏன் விவசாயத்தை செய்யக் கூடாது. அதிக தானிய உற்பத்தி பெருகினால் தானியத்தின் விலை குறைவதை தவிர விலையேற்றம் ஏற்ப்பட வாய்ப்புகள் இருக்க முடியாதே.

படித்த இளைஞர்கள் எல்லாரும் அலுவலகங்களில் மட்டுமே பணிப் புரிய வேண்டும் என்று நினைக்காமல் அவரவர் கிடைக்கும் வேலையை செய்து அதிலே மென்மேலும் உயருவதற்கு ஏன் முயற்சி செய்வதில்லை. அவரவர் குடும்பத்தொழில் எதுவாக இருந்தாலும் அதையே மேம்படுத்த படித்த இளைஞர்கள் முயற்ச்சிகள் எடுக்காமல் வேறு தொழில்களை தேடி நகரங்களை நோக்கி ஏன் போகவேண்டும், தானியங்களுக்கு அரசு கொள்முதல் விலையை மிகவும் குறைப்பதாலும் இடைத்தரகர்களின் தலையீடுகளாலும் உற்பத்தி செய்யும் விலைக்கு கூட தானியங்களை விற்க இயலாத நிலை இருப்பதாக குறைகூருவதோடு நிறுத்திக் கொள்ளாமல் தங்களால் அவற்றை மாற்ற எந்தவிதமான முயற்ச்சிகளை மேற்கொள்ள வேண்டும் என்பதை சிந்தித்து ஏன் செயல்படகூடாது.

யாரோ ஒருவர் இந்தநிலையை மாற்றியமைக்க வேண்டும் என்பதற்காக காத்திருப்பதால் யாரும் மாற்றியமைக்க இயலாமல் கிடப்பில் கிடக்க விட்டுவிட்டு குறைக்கூறிக்கொண்டு இருப்பதைவிட நாம் எப்படி அதை மாற்ற முடியும் என்பதை சிந்தித்தால் நிச்சயம் விவசாயம் போன்ற மற்ற எத்தனையோ தொழில்களில் முன்னேற வாய்புகள் உண்டு. எளிதில் பணம் சம்பாதித்து விரைவாக சொகுசு வாழ்க்கையை அனுபவிக்க வேண்டும் என்கின்ற எண்ணத்தில் எல்லா விதமான குறுக்கு வழிகளையும் குரூர வழிகளையும் தேர்ந்தெடுத்து பின் விளைவுகளைப்பற்றி கொஞ்சம் கூட சிந்திக்காமல் செயல்படுவதை செய்திகளிலும் பத்திரிகைகளிலும் காணும்போது பிரமிப்பாகவும் அதிர்ச்சியாகவும் உள்ளது, உழைப்பு என்பதே இல்லாமல் சுகங்களை மட்டுமே வாழும் நாளில் அனுபவிக்க ஆசைப்படும் இன்றைய வாழ்க்கையில் சகஜமாகிப் போன நிலையால் நாட்டில் பல வன்முறை சம்பவங்களும் கொலை கொள்ளை கற்பழிப்பு திருடு வழிப்பறி, என்று அடுக்கடுக்காக சம்பவங்கள் தொடர்கின்றது.

இந்நிலை நீடிப்பதால் சுபீட்சம் விலகி போவதோடு மழை காற்று நீர் பூமி எல்லாமே தனது சுயநிலையை விட்டு விலகி நாளுக்குநாள் குறைந்த பலனை கொடுத்து வருகிறது.
இதற்க்கு மனிதர்களின் மனங்களில் நிச்சயம் பெரும் மாற்றம் உண்டாக வேண்டியது அவசியம். மனிதர்களின் நடத்தையில் சிறந்த மாற்றம் ஏற்படவில்லை என்றால் இயற்கையின் சீரழிவும் மனிதர்களின் அழிவும் மனிதர்களாலேயே உண்டாக்கபட்டுவிடும். இளைஞர்களே!! நாளைய இந்தியா எதிர் கால சீதோஷ்ணம் தட்ப வெட்பம் சிறப்புருவதும் அழிவதும் உங்கள் கையில் தான் உள்ளது என்பதை உங்கள் கவனத்தில் கொள்வது மிகவும் அவசியம். விவசாயம் இயற்க்கை வளங்களை மேம்படுத்துதல் சமூக விரோத நடவடிக்கைகளுக்கு துணைப் போகாமல் கவனமுடன் வாழ்க்கையை செம்மையாக்குவது போன்ற பலவற்றையும் இன்றைய இளைஞர்கள் கவனத்தில் கொள்ளாமல் சொகுசு வாழ்க்கை எப்படியேனும் வாழ்ந்துவிட்டால் போதும் என்று செயல்பட்டால் அழிவிற்கு நாமே காரணமாகி விடுவோம் என்பதை மறந்து செயல்பட வேண்டாம்.