Translate

7/07/2010

மனம் போன போக்கிலே மனிதன் போகலாமா

நமக்கு யார் மீதாவது அதிக காதல் ஏற்பட்டு அதை அவரிடம் சொல்ல முடியாத தவிப்பா, அல்லது காதலித்தப் பெண்ணை மறக்க இயலாமல் மன குழப்பமா, எதற்கெடுத்தாலும் யாரிடமாவது சண்டையிட வேண்டும் என்று தோன்றுகிறதா, இப்படி நாம் நம்மை கட்டுப்படுத்த நினைக்கும் விஷயங்களில் நம்மை நம்மால் நாம் நினைப்பது போல் கட்டுக்குள் கொண்டுவர முடியவில்லையா, ஒரு குறுக்குவழி இருக்கிறது, அவசரப்படாமல் பொறுமையாக கவனமாக நிதானமாக இதை படித்து பாருங்கள், நீங்கள் கைக்கொள்ள வேண்டிய வழியை என்னால் சொல்ல முடியும்.

முதலில் காதலைப்பற்றி பார்ப்போம், அதிகமான இளைஞர்களின் சோகக்கதையாக இந்நிலை மாறிவிடுவதால் அவர்கள் முன்னேற்றத்தில் மிகப் பெரிய சோதனையாகி நிற்கிறது இந்த பாழாய்ப் போனக் காதல், ஏற்க்கனவே காதலித்தப் பெண்ணை மறக்க எளிய வழி, அந்தப் பெண்ணுடன் பழகியக் காலங்களில் பிடிக்காத செய்கைகள் குணங்கள் பழக்க வழக்கங்கள் ஏதேனும் நிச்சயம் இருக்கும், அந்த செய்கையை, குணத்தை, பழக்கத்தை மீண்டும் மீண்டும் நினைவுபடுத்த வேண்டும் , எப்போதெல்லாம் காதலின் வலியால் துவண்டு போகின்றோமோ அப்போதெல்லாம் நமது கருத்தையும் நினைவையும் குறிப்பிட்ட பிடிக்காத அவளது செய்கைக்கு கொண்டுச் செல்லவேண்டும், முதலில் இது சிரமமாகத் தோன்றும், தனிமையில் நாம் இருக்கும் சந்தர்ப்பங்களிலும் அந்த பிடிக்காததைப் பற்றிப் நமக்கு நாமே பேசிக்கொள்ளவேண்டும்,

நாளடைவில் தொல்லை கொடுக்கும் நினைவைச் சொல்லி 'மறந்து போ மனதே' என்று சொல்லிக்கொள்ளவேண்டும், சிறிது சிறிதாக நம்மை விட்டு மறக்க விரும்பும் நினைவுகள் விலக ஆரம்பிக்கும், சில மாதங்களில் அதுவரையில் தொல்லை கொடுத்த காதல் கொஞ்சம் கொஞ்சமாக வில
குவதை நம்மால் உணர முடியும்.

இந்த முறையில்தான் மற்ற கெட்ட அல்லது விடுபட நினைக்கும் காரியங்களிலிருந்து விடுபடவும் நம்மை நாமே பயிற்ச்சியளிக்க வேண்டும், துவக்கத்தில் சிரமாகத் தோன்றினாலும் சற்று பழகியப்பின்னர் எளிதாகத்தோன்றும், இதை ஸெல்ப் ஹிப்னாடிசம் என்று சொல்வார்கள், யார் மீதாவது கோபம் வரும்போது கண்ணை மூடிக்கொண்டு ஒன்று இரண்டு என்று அல்லது வேறே எதையாவது திரும்பத்திரும்ப சொல்லிக்கொண்டே பத்து நிமிடம் இருந்தால் கோபத்தின் வெளிப்பாடு காணாமல் போய்விடும் என்று சொல்வதும் இந்த முறையில் தான். கோபப்படும்போது நம்முடலில் சுரக்கும் ஹார்மோன்களில் சில தேவைக்கு அதிகமாகவும் சில தேவைக்கு குறைவாகவும் சுரப்பதனால் உடலின் இயல்பு
நிலையிலிருந்து மாறுபட்டு கோளாறுகள் ஏற்ப்படுகிறது.

நம்மனதை நம்மால் ஆள முடிய வேண்டும் அல்லது அது நம்மை அதன் வழிக்கு கொண்டுச் செல்லும் இயல்புடையது. மனம் போன போக்கில் மனிதன் போவது தேவையற்ற விபரீதங்களை தனக்கும் பிறர்க்கும் ஏற்ப்படுத்தும் சக்தி கொண்டவை. சாப்பாடு விஷயத்தில்
சிலரால் கட்டுபாடாக இருக்க இயலாது, சுய கட்டுப்பாட்டை விட்டுவிடும் போது விளைவுகள் மோசமாகி நீரிழிவு போன்ற வியாதிகளில் உடல் நாசமாவதை நாம் அறிவோம், எல்லாவற்றிற்கும் மன கட்டுப்பாடு மிக அவசியம், எல்லாவித கட்டுப்படுகளையுமே நம்மால் பழகிக்கொள்ள முடியும், பாரதி சொன்னது போல் 'வழக்கப் படுத்திக் கொள்ளு பாப்பா' என்றார், பாப்பாவாக இருக்கும் பருவத்தில் துவங்கும் பழக்க வழக்கங்கள் சிறப்பானதாக இருந்துவிட்டால் வாழ்க்கை சொர்கமாகி விடும் என்பதுதான் இதன் தாத்பரியம் என்றும் அர்த்தப்படுத்தலாம்.