Translate

8/08/2009

சிறுகதை போட்டியைப் பற்றிய எனது கருத்து

பின்னூட்டம் என்பது சுதந்திரமானது, சுதந்திரமானது என்பதற்காக தவறான வார்த்தைகளை யாரும் உபயோகப்படுத்துவது தவறென்பது அனைவரும் அறிந்தது. என்னைப்பொறுத்தவரை என் மனதில் தோன்றிய கருத்தைதானே எழுத முடியும்? அதற்க்கு அனுமதி இல்லை என்றால் பின்னூட்டம் எழுதியதற்காக நான் மன்னிப்பு கேட்க மாட்டேன், ஏனென்றால் நான் எழுதியதில் தவறு இருப்பதாக நான் கருதவில்லை.

சம அந்தஸ்த்துள்ள இருவர் ஒரு போட்டியில் கலந்துகொண்டு அதில் யார் வெற்றி பெறுகிறார்களோ அவரே வெற்றி பெற்றவர் என்பதை ஏற்றுக் கொள்வதில் யாருக்கும் இருவேறு கருத்திருக்க முடியாது, ஒருவர் ஏற்கனவே நல்ல எழுத்தாளர், வெற்றியாளர், அல்லது அதிகம் எழுதி தன்னை முதன்மை படுத்திக்கொண்டவர் அவரோடு போட்டி இடும் மற்றவர் தனது கன்னி முயற்ச்சியில் இருக்கிறார் என்னும் போது கன்னி முயற்ச்சியில் இருப்பவர் தோற்றால் அது யாருடைய தவறு என்று நீங்களே சொல்லுங்கள்?

கன்னி முயற்சிசெய்பவர் யார் அல்லது அனுபவஸ்தர்கள் யாரென்பது பற்றிய அக்கறை போட்டி நடத்துபவருக்கு தேவையற்றது என்று நடுவர்கள் சொல்லுவார்களா என்பது எனக்கு தெரியவில்லை. தங்களிடம் வந்து சேர்ந்த கதைகளில் எது சிறந்தது என்பதை தேர்ந்தெடுப்பது மட்டும் தான் தங்களது வேலை என்று சொல்லி விடுவார்களா?

அப்படியானால் தோற்றவர்களின் நிலையை எப்படி பார்ப்பது? எந்த போட்டியாக இருந்தாலும் அதில் அடிப்படை வயது அவரது அனுபவம் என்று பல நிலைகள் உள்ளன, மொத்தத்தில் ஒரு போட்டி என்று வைக்கும் போது அதில் பங்கு பெரும் போட்டியாளர்கள் வேண்டுமென்றால் அனுபவப்பட்ட எழுத்தாளர்களிடமிருந்து எழுதி வாங்கி வந்து கூட தான் எழுதியதாக பிரசுரித்து பரிசு வாங்க முயற்சி எடுக்க சந்தர்ப்பம் உள்ளது. [ உதாரணத்திற்கு சொல்லுகிறேன், இப்படி செய்திருக்கிறார்கள் என்று யாரையும் குற்றம் சுமத்தவில்லை ]

இதனால் நான் போட்டியை நடத்தியவர்களுக்கு சொல்ல நினைப்பது அவர்கள் மீது குற்றம் சுமத்துவதற்காக இல்லை என்பதை முதலில் தெரிவித்துக் கொள்கிறேன். நடுவர் தனது பதிவில் போட்டியின் முடிவை அறிவிக்கும் முன் அதை பற்றிய மற்றவர்களின் பின்னூட்டத்தை கேட்டு எழுதி இருப்பதால் இதனை நான் எழுதுகிறேன், அடுத்த முறை கதை போட்டி என்று அறிவிக்கும் போது இப்படி சில அடிப்படையான தகுதிகளையும் பார்க்க வேண்டும் என்பது எனது வேண்டுகோள்.

நடுவர்களையோ போட்டி நடத்தியவர்களையோ குற்றம் சுமத்துவது என் நோக்கமல்ல என்பதை மறுபடியும் இங்கு குறிப்பிட விரும்புகிறேன்.