Translate

8/31/2009

எனக்குப் பிடித்த நடிகைகள் - சுஜாதா, ஸ்ரீப்ரியா, ராதா, சிம்ரன்


எனக்குப் பிடித்த நடிகைகளின் வரிசையில் நடிகை சுஜாதா ஏற்று நடித்த எல்லா கதாபாத்திரங்களிலும் அவரது நடிப்பு சிறப்பாக இருந்ததால் மிகவும் ரசித்தேன். முதன் முதலில் இவர் அறிமுகமான திரைப்படம் கே.பாலச்சந்தரின் ' அவள் ஒரு தொடர்கதையிலேயே' இவரது நடிப்பு சிறப்பாக இருந்தது,

அந்த திரைப்படத்தை பார்த்துவிட்டு வெளியே வந்த போது நல்ல நடிகைகள் நமக்கு கிடைத்திருக்கிறார்கள் என்ற திருப்தி ஏற்ப்பட்டது. அந்த திரைப்படத்தில் அவர் அறிமுகப்படுத்திய நடிக நடிகையர் யாவருமே பிற்காலத்தில் மிகவும் பிரபலமானார்கள், அதற்க்கு காரணம் இயக்குனர் சிகரம் தான், ஏன் என்றால் அவரது 'அவர்கள்' திரைப்படத்திலும் அந்த சிறப்பை மீண்டும் பார்க்க முடிந்தது,
ஒரு சிறந்த இயக்குநர் ஒரு நடிகர் அல்லது நடிகையின் திறமைகளை அறிந்து வெளிக்கொணர வாய்ப்பும் சந்தர்ப்பமும் கொடுக்காவிட்டால் அந்த நடிகர் அல்லது நடிகையின் திறைமை வெளியே தெரியாமலேயே போய் விடுகிறது,

அந்த வகையில் நடிகை சுஜாதாவின் நடிப்புத் திறமைகளை வெளி கொண்டு வந்தவர் திரு கே. பாலச்சந்தர் தான் என்பதில் சந்தேகமில்லை. அன்னக்கிளியிலும் அந்தமான் காதலியிலும் இவரது நடிப்பு சிறப்பாக இருந்தது இவர் நடிப்பில் வெளிவந்த பல திரைப்படங்களில் இவரது நடிப்பை பெரிதும் நான் ரசித்திருக்கிறேன். இவர் ஒரு சிறந்த நடிகை என்பதை நிரூபித்தார்.




நடிகை ஸ்ரீ ப்ரியா சிறந்த நடிகை, சிறந்த நடனக் கலைஞர். இவரது திறைமைக்கு ஏற்றார் போன்ற கதைகள் அதிகமாக அமையவில்லை என்பதே என் குறை. இவர் திறமைசாலி என்பதை ஒரே திரைப்படம் 'அவள் அப்படித்தான்' நிரூபித்தது. அந்த திரைப்படத்தில் அத்தனை இயல்பாக இவர் நடித்திருப்பார், அந்த கதாபாத்திரத்தை ஏற்று நடிக்க பலர் தயங்கலாம் ஆனால் ஒரு சிறந்த நடிகை என்பதற்கு சான்று அந்த மாதிரியான அபூர்வமான கதைகளையும் கதாபாத்திரங்களையும் தேர்வு செய்வது தான்.

ஆட்டுக்கார அலமேலு, நீயா, வசந்தத்தில் ஓர்நாள், போன்ற இவர் நடித்த பல திரைப்படங்களையும் பார்த்து ரசித்திருக்கிறேன். இவர் சிறப்பாக நடனம் ஆடக்கூடியவர், அதற்கேற்றார்ப் போல திரைப்படத்தில் வாய்ப்புகள் அதிகம் இவருக்கு கிடைக்கவில்லை, 'வாழ்வே மாயம்', ' நீயா ', இன்னும் ஒரு சில திரைபடங்களில்மட்டும் இவரது நாட்டியத்திறைமைக்கு வாய்ப்பிருந்தாலும் முழுமையான இவரது திறமைக்கு ஏற்ற கதைகள் அமையவில்லை என்பது என்னைப் போன்ற இவரது ரசிகைகளின் குறை.



நடிகை ராதா அப்போதைய நடிகைகளில் பெரும்பாலான திரைபடங்களில் நடித்தவர், இவரது நடிப்பைவிட இவரது உயரமும் முக வசீகரமும் ரசிக்கும்படியாக இருந்தது என்பதால் இவர் நடித்த பல திரைப்படங்களை பார்த்து ரசித்திருக்கிறேன், இவர் நடித்துக் கொண்டிருந்த காலத்தில் இவருக்கு ரசிகர்கள் ஏராளம், இன்னும் கூட இவர் நடித்திருக்கும் திரைப்படங்களில் வரும் பாடல் காட்சிகளில் இவரை பார்த்து ரசிப்பதுண்டு.



நடிகை சிம்ரன் நடித்த திரைபடங்களில் இவரது நடனத்தை பார்த்து ரசிப்பதற்கே நான் இவரது திரைப்படங்களை பார்ப்பதுண்டு, பம்பாயிலிருந்து கோடம்பாக்கத்திற்கு வந்த நடிகைகளில் சிம்ரனின் தோற்றமும் உடலழகும் நடிப்பும் ரசிக்கும்படியாக இருந்தது. இவருக்கு ரசிக கூட்டமும் பெரிதாக இருந்தது, இவர் கதாநாயகியாக நடித்துக் கொண்டிருந்த கால கட்டத்தில் நடிகை ஜோதிகாவும் நடிக்க ஆரம்பித்தார், நான் சிம்ரன் நடித்த திரைப்படங்களை ரசித்தது பாடல் காட்சிகளில் அவரது நடனத்திற்கும் மெல்லிய கொடி போன்ற உடல் அமைப்பையும் கொஞ்சம் நடிப்பும் இவருக்கு வந்தது என்பதும் ரசிப்பதற்கான முக்கிய காரணங்கள்.

எனக்குப் பிடித்த நடிகர்கள் - விஜய்

Monday, 31 August 2009




இளம் நடிகர்கள் நடித்த திரைப்படங்களில் நான் ரசித்து பார்க்கும் நடிகர் விஜய், இவரது துவக்க காலத்து திரைப்படங்களைப் பார்த்து இவர் இத்தனை வேறுபட்ட கதாபாத்திரங்களை ஏற்று நடித்து பெயரும் புகழும் பெறுவார் என்று நான் நினைக்கவே இல்லை.

இவரது சிறப்பு இவர் தேர்ந்து எடுக்கும் திரைகதைகள் தான். இவரது திறமைக்கும் உடல் , உருவம் மற்றும் வயதுக்கேற்ற கதைகள். அருமையான தேர்ந்தெடுப்பு, இவரது தந்தை இயக்குநர் சந்திரசேகரின் முழுமையான கவனம் இவருக்கு ஏற்ற கதைகளை தேர்ந்தெடுக்க பெரிதும் உறுதுணையாக உள்ளது என்பது புரிகிறது. நடிகர் விஜய்யுடன் ஜோடியாக நடித்த கதாநாயகிகளில் சிம்ரனுடன் இணைந்து நடித்தது ரசிக்கும்படியாக இருந்தது. ஜோதிகா, ரம்பா, தேவயானி மற்றும் பலர்இவருடன் நடித்திருந்தாலும் சிம்ரனுடன் நடித்து வெளிவந்த திரைப்படங்கள் மிகவும் ரசிக்கும்படியாக இருந்தது.




மிகவும் அழகான,
வேகமான அசைவுகளையும் வாலிப மிடுக்குடன் ஆடும் நடனம் இவரது ப்ளஸ். இவரது நடிப்பில் வெளிவந்த 'பூவே உனக்காக', 'லவ் டுடே', 'ஒன்ஸ் மோர்', 'காதலுக்கு மரியாதை', 'துள்ளாத மனமும் துள்ளும்', 'கண்ணுக்குள் நிலவு', 'குஷி', 'பிரியமானவளே', 'பத்ரி', 'பிரண்ட்ஸ்', 'தமிழன்', 'புதிய கீதை', 'கில்லி', 'மதுரை', இன்னும் சில திரைப்படங்களை பார்த்து ரசித்திருக்கிறேன்.

இன்னும் வித்தியாசமான கதைகளிலும் கதாபாத்திரங்களிலும் நடித்து ரசிகர்களின் எதிர்பார்ப்பை பூர்த்தி செய்வார் என்று எதிர்பார்க்கின்றோம், மேலும் இவரது முயற்சிகள் சிறக்க எமது வாழ்த்துக்கள்.

8/30/2009

திரையுலக காதல் ஜோடிகள் - சூர்யா ஜோதிகா



திரைப்படங்களில் நடித்து பெயரும் புகழும் வாங்கியதுடன் காதலையும் ரசிகர்களின் ஏகோபித்த எதிர்பார்ப்பையும் ஏற்ப்படுத்திய சூர்யா ஜோதிகா திரையுலக தம்பதிகளின் திருமணம் ரசிகர்களின் வெகு நாளைய கேள்விக்கு ஒரு கிளைமாக்ஸாக இருந்தது. சூர்யாவும் ஜோதிகாவும் திருமணம் செய்து கொள்ள வேண்டுமென்று அவர்களுடைய ரசிகர்கள் பெரிதும் ஆவலுடன் எதிர்பார்த்தது திரையுலகில் இவர்களைத் தவிர வேறு யாருக்கும் அப்படி பட்ட ரசிகர்களின் எதிர்பார்ப்பு இருந்திருக்க முடியாது.



அருமையான குடும்ப வாழ்க்கையில் அழகிய குழந்தை தியாவும் குடும்ப உறுப்பினராகி உள்ளார். இவர்களது இல்லறத்தில் மகிழ்ச்சி இப்போது போல எப்போதும் தொடர எமது வாழ்த்துக்கள்.

கவர்ச்சி நடிகர் - அஜித், எனக்குபிடித்த நடிகை - ஷாலினி


மக்கள் திலகம் எம்.ஜி. ராமச்சந்திரன் அவர்கள் தான் நடிகர்களிலே கவர்ச்சி நடிகர் அவருக்கு அடுத்த கவர்ச்சி நடிகர் அஜித் என்றால் மிகையாகாது. அழகிய நடிகர் அஜித், இவரது சிரிப்பும் நிறமும் உடல் அமைப்பும் கவர்ச்சியானது. இவரது நடிப்பில் வெளிவந்த திரைப்படங்களில் வாலி சிறப்பானது, காதல்கோட்டை, முகவரி, ஆசை, பவித்ரா, நேசம், உல்லாசம், தொடரும், முகவரி, கண்டுகொண்டேன் கண்டுகொண்டேன், பூவெல்லாம் உன் வாசம், காதல் மன்னன், வரலாறு, ஆள்வார், கிரீடம், பில்லா, போன்ற திரைப்படங்களை நான் பார்த்து இருக்கிறேன்.



நான் அதிகம் ரசிப்பது இவருடைய அழகுக்கு ஏற்ற மனைவி நடிகை ஷாலினி, அழகிய குடும்பமாக இப்போது இவர்களின் அருமை மகள் அனுஷ்காவும் இணைந்துள்ளார். நடிகை ஷாலினி இன்னும் பல தமிழ் திரைப்படங்களில் வித்தியாசமான கதாபாத்திரங்களில் நடித்திருந்தால் மிகவும் அருமையாக இருந்திருக்கும், ஷாலினி குழந்தை நட்சத்திரமாக இருந்த போதே அருமையாக நடிப்பவர், அதனால் நடிப்பென்பது ஷாலினிக்கு மிகவும் எளிது.




என்னைப்போன்ற
ஷாலினியின் ரசிகர்கள் அவரது திரையுலக வரவை மிகவும் ஆசையாய் எதிர்பார்த்தோம், ஆனால் அவர் திருமணத்திற்குப் பின் நல்ல குடும்ப வாழ்க்கையை தேர்வு செய்து கொண்டு போனதும் சிறந்த முடிவுதான், ஆனால் தமிழ் ரசிகர்களுக்கு ஏமாற்றம். அழகிய தம்பதிகளின் குடும்ப வாழ்வு மகிழ்ச்சியும் நிறைவும் பெற்று சிறக்க எமது வாழ்த்துக்கள்.

8/29/2009

எனக்குப் பிடித்த நடிகர்கள் - ஜீவா, ஜீவன், சேரன்


இளம் நடிகர்களில் நடிகர் ஜீவாவின் நடிப்பு 'ராம்' திரைப்படத்திற்குப் பின் அவர் ஏற்று நடிக்கும் எல்லாத் திரைப்படங்களும், அவருக்கேற்ற கதையம்சம் கொண்டதாக இருப்பது அவரது திறைமையை நிரூபிக்க கிடைத்த அருமையான வாய்ப்புகள் என்றே சொல்லவேண்டும், புதிய தலைமுறை நடிகர்களில் நடிகர் ஜீவாவின் கதை தேர்வும் அற்புதமான நடிப்பும் பாராட்டுதலுக்குரியது. இத்தனை இளம் வயதில் முதிர்ச்சியான நடிப்புத்திறன் இவரது ப்ளஸ்.

நடிகர்
ஜீவா ஏற்று நடிக்கும் திரைப்படங்களில் ஜீவாவின் கதாபாத்திரம் மிகவும் ரசிக்கும்படியாகவும், யதார்த்தமாகவும் இருக்கிறது. அவர் மேலும் வித்தியாசமான கதைகளை தேர்வு செய்து யதார்த்தமாகவும் வித்தியாசமாகவும் நடித்து என்னைப் போன்ற அவரது ரசிகர்களை திருப்தி படுத்துவார் என்று எதிர்பார்க்கிறோம், இவரது திருமண வாழ்க்கையும் திரையுலக பணியும் மென்மேலும் சிறக்க எமது மனமுவர்ந்த வாழ்த்துக்கள்.

* * * * * * * * * * * * * * * * * * * * * * * * * * * * * * * * * * * * * * * * * *


நடிகர் ஜீவன் தான் முதன் முதலில் நடித்த வேடம் வில்லன் என்பதால் தொடர்ந்து அதே மாதிரியான கதாபாத்திரங்களை ஏற்று நடித்து வந்தாலும் எனக்கு ஜீவனின் நடிப்பு மிகவும் பிடிக்கும். நான் ஜீவன் நடித்த திரைப்படங்களை தவறாமல் ரசித்து பார்ப்பது உண்டு.

இதேபாணியில்
தன்னால் இன்னும் எந்தமாதிரியான, வித்தியாசமான கதைகளை தேர்வுசெய்து நடித்தால் சிறப்பாக இருக்கும் என்று யோசித்து முடிவுசெய்து நடித்தால் நிச்சயம் வெற்றி வாய்ப்புகள் இவருக்கு உள்ளது. கதை தேர்விலும் நடிப்பிலும் இன்னும் இவர் அதிக கவனமும் சிரத்தையும் எடுத்துக்கொண்டால் நிச்சயம் திரையுலகில் தனக்கென்று ஒரு இடத்தை தக்க வைத்துக் கொள்ள இவரால் முடியும். இன்னும் வித்தியாசமான திரைப்படங்களில் திறம்பட நடித்து ரசிகர்களை சந்தோஷப்படுத்துவார் என்று நம்புகிறோம். மென்மேலும் சிறந்த திரைப்படங்களில் நடித்து பெயரும் புகழும் பெற எமது மனமார்ந்த வாழ்த்துக்கள்.

* * * * * * * * * * * * * * * * * * * * * * * * * * * * * * * * * * * * * * * * *



நடிகர் சேரனாகவும் இயக்குனராகவும் இவரது திறைமை மிகவும் ரசிக்கும்படியாக உள்ளது, இவர் இயக்கும் திரைப்படங்களில் இவர் நடிப்பதும் இவரது திறைமைக்குச் சான்றுகள். பல வித்தியாசமான திரைப்படங்களை இவரது இயக்கத்திலும் நடிப்பிலும் பார்த்து ரசித்து வரும் ரசிகர்களில் நானும் ஒருத்தி.

சேரன்
இயக்குநர் ஆவதற்கு முன்பே என்னுடன் முதுகலையில் கல்லூரியில் படித்த சக மாணவன் சேரனைப்பற்றி மிகவும் ஆணித்தரமாக என்னிடம் சொன்னார், சேரன் என்ற ஒரு புதியவர் திரைப்படங்களை இயக்கவிருக்கிறார், அற்புதமான திறைமைசாலி, கூடிய சீக்கிரத்தில் தமிழ் சினிமாவில் அவர் பெயர் 'ஓஹோ' என்று பேசப்படப் போகிறது என்றார், அப்போது சேரன் என்பவரை யார் என்று யாருக்கும் தெரியாது.

என்னுடைய சகமாணவர் கூறியது போலவே சேரன் வித்தியாசமானவர் தான் என்பதை அவர் எடுத்த ஒவ்வொரு திரைப்படங்களையும் பார்த்து அறிந்து கொண்டேன், இப்படி வித்தியாசமான திறமைசாலிகளை தமிழ் திரையுலகமும் ரசிகர்களும் வரவேற்ப்பதுடன் ஆதரவும் தருவார்கள் என்பதில் ஐயமில்லை. எனக்குப்பிடித்த நடிகர், இயக்குநர் சேரன் அவர்கள் இன்னும் அற்புதமான வித்தியாசமான திரைப்படங்களை ரசிகர்களுக்கு கொடுப்பார் என்று நம்புகிறேன்.

சேரனின் முயற்சிகள் அத்தனையும் சிறக்க, பல சிறந்த திரைப்படங்களை எடுத்து வெற்றிவாகை சூடி மன நிறைவை பெற எமது மனமார்ந்த வாழ்த்துக்கள்.


* * * * * * * * * * * * * * * * * * * * * * * * * * * * * * * * * ** * * * * * * *

8/28/2009

எனக்குப் பிடித்த நடிகர்கள் - கஞ்சா கருப்பு, கருணாஸ், சந்தானம்


நடிகர் கஞ்சா கருப்பு, இவரை எனக்குப் பிடிக்க காரணம், இயல்பான இவரது பேச்சு வழக்கு, ஒப்பனை அவசியமற்ற கதா பாத்திரங்கள், இவை தான் இவரை மெருகேற்றி வருகின்றது. நடிப்பு என்பதை நடிப்பாகவே செய்யாமல் இயல்புடன் திரைப்படங்களில் காட்சியளிப்பது தான் இவரது ப்ளஸ். எனக்குப் பிடித்த புதிய நடிகர்களில் இவரும் ஒருவர். இவர் நடித்த திரைப்படங்களை நான் இவருக்காகவே மிகவும் ரசித்து பார்ப்பேன்.

இவரைப்போலவே எனக்குப் பிடித்த மற்றொரு நடிகர் கருணாஸ். இவரது நடிப்பு பிடிக்கும் என்பதை விட இவருக்கு கிடைக்கும் வித்தியாசமான கதாபாத்திரங்களை இவர் திறம்பட நடித்திருப்பது இவரது தன்னம்பிக்கையை காட்டுவதாக உள்ளது.

இவர்
தோன்றும் காட்சிகள் திரைப்படங்களில் மிகவும் குறைவாக இருந்தாலும் அவற்றை நான் மிகவும் ரசிப்பதுண்டு. இவர்கள் இருவருக்கும் இருக்கும் ஒரு ஒற்றுமை சிறந்த நடிப்பிற்கு முக வசீகரமும் நிறமும் அழகும் அவசியமில்லை என்பதை உறுதி செய்வதாக இருப்பதும், தங்களுக்கு கிடைக்கும் வாய்ப்பு சிறியதாக
இருந்தாலும் இவர்களின் திறமையை கொஞ்சமும் குறையாமல் வெளிப்படுத்தும் விதம் என்னை மிகவும் கவர்ந்தது.

நடிகர் சந்தானம், இவரை தனியார் தொலைக்காட்சியில் பார்க்கும்போதே இத்தனை திறமையும் இளமையும் உள்ள இவருக்கு சிறப்பான எதிர் காலம் இருப்பது உர்ஜிதமாகிவிட்டது, இவர் திரைப்படத் துறைக்கு வந்தது இவருடைய திறமைக்கு எடுத்துக் காட்டு, இவர் ஒரு நகைச்சுவை நடிகர் மட்டும்தான் என்ற நிலையை மாற்றி, பல வித்தியாசமான கதாபாத்திரங்களில் நடித்து, திறமைகளை வெளிக் கொணர வேண்டும்.

இவர்களை நான் ஒரு நகைச்சுவை நடிகர்களாக நினைப்பதே கிடையாது, நகைச்சுவை நடிகர்களுக்கு வசனம் பேசுவதில் 'டைமிங்' இருந்தால் தான் நகைச்சுவை சிறப்பாக இருக்கும் என்ற கூற்று உள்ளது, இவர்களிடம் டைமிங் இருக்கிறதோ இல்லையோ திறமை கொட்டிக் கிடக்கிறது என்பது நிதர்சனமான உண்மை, அதனால் தான் இவர்களால் இத்தனை குறுகிய காலத்தில் புகழடையவும் ரசிகர்களின் வரவேற்ப்பை பெறவும் முடிந்திருக்கிறது என்பதில் சந்தேகமே கிடையாது.

இவர்கள் நிச்சயமாக இன்னும் பல
வித்தியாசமான கதாபாத்திரங்களில் நடித்து இவர்களது ரசிகர்களை சந்தோஷப்படுத்துவதுடன் நடிப்பிலும் இன்னும் பல உயர்ந்த சாதனைகளை புரிவார்கள் என்பதில் சந்தேகம் இல்லை.

கஞ்சா கருப்பு, கருணாஸ், சந்தானம் மூவரும் இன்னும் பல சாதனைகள் புரிந்து திரையுலகில் தங்களுக்கென்று உயர்ந்த இடத்தை பிடித்து, வெற்றி மேல் வெற்றிகள் பெற எனது மனமார்ந்த வாழ்த்துக்கள்.

8/27/2009

ஒன்று சேர்ந்தால் உண்டு வாழ்வு

பருவ மழை பொய்த்து விட்டது, உலகில் பணவீக்கம் அதிகரித்துள்ளது, இதனால் சாமான்யர்களுக்கு என்ன பிரச்சினைகள், வேலை இழப்பு அத்தியாவசிய பொருட்களின் விலையேற்றம், குடிநீர் பற்றாக்குறை, மின்சார பற்றாக்குறை, மின்சார பற்றாக் குறையால் சில நிறுவனங்கள் அடைக்கப் படுத்தல். இதனால் வேலையிழக்கும் நிலை, பஞ்சம், பஞ்சம் நீடித்தால் கொலை கொள்ளை திருட்டு அதிகரிப்பு, இதனால் மக்களின் வாழ்க்கை மோசமான நிலையடைதல், வறுமையால் பட்டினி சாவு போன்ற சூழல் உருவாகும்.

ஒன்று மற்றொன்றை சார்ந்திருப்பதும் அவற்றை சார்ந்து மனிதனின் அன்றாட வாழ்க்கை நடந்து வருவதும் இயல்பு நிலை, இந்த சங்கிலித் தொடர் போன்ற அமைப்பில் ஏதேனும் ஒன்றில் குறை அல்லது இல்லாமை ஏற்ப்பட்டாலும் அதை தொடர்ந்து மனிதனின் அன்றாட வாழ்க்கை பாதிப்புக்குள்ளாகிறது.

பஞ்சம் பசி வறுமை வேலையில்லா திண்டாட்டம் பருவநிலையில் ஏற்ப்படும் அசாதரண மாற்றங்கள் இவை அத்தனைக்கும் சேர்த்து தீர்வு காணப்பட வேண்டும், எந்தவிதமான தீர்வுகள் அல்லது திட்டங்களை வகுத்து செயல்படுத்தினால் முழுமையான தீர்வுகளை காணமுடியும் என்பதை வல்லுனர்குழு
ஆராய்ந்து, தீர கலந்தாலோசித்து முடிவு செய்து உடனடியாக அவற்றை செயல்படுத்தவேண்டும் .

செயல் படுத்தும் போது அதில் முழு கவனம் செலுத்தி திட்டங்கள் முழு வெற்றியடையும் வரை கவனத்தை செயல் திட்டங்கள் மீது மட்டுமே செலுத்த வேண்டும், தீர்வுகளுக்கு என்னென்ன திட்டங்களை உடனடியாக செயல் படுத்த வேண்டும் என்பதில் முழு கவனம் செலுத்தினால் மட்டுமே அபாயகரமான நிலை வருமுன் காத்துக் கொள்ள முடியும்.

இதில் நாடுகளுக்குள் வேற்றுகருத்துகள் ஏற்ப்படுவது, மாநிலங்களுக்கும் வேற்று கருத்துகள் கட்சிகளுக்குள் வேற்று கருத்துகள் என்று எந்த வில்லங்கமும் அல்லது தடையும் ஏற்படாமல் எல்லோரும் ஒருமுகமாக ஒற்றுமையுடன் முனைப்போடு செயல் பட்டால் மட்டுமே பணவீக்கமும் பஞ்சமும் பருவநிலை மாற்றங்களை சீற்படுத்துவதும் சாத்தியமாகும்.


8/26/2009

சுகாதார விழிப்புணர்வு


வேலை கிடைப்பதே பெரும்பாடாய் இருக்கும் இந்த காலத்தில் படித்த படிப்பிற்கு ஏற்ற வேலை கிடைத்தால்தான் செய்வேன் என்று பிடிவாதமெல்லாம் பிடிக்க முடியாது என்ற முடிவுடன் மெலிசா கிராம சுகாதார துறையில் கிராமம் கிராமமாக சென்று சுகாதாரத்தைப் பற்றிய விழிப்புணர்வை எடுத்துரைப்பதோடு தேவைப்பட்டால் செய்முறை விளக்கம் கூட செய்து காண்பிக்க வேண்டும் என்பது அவள் ஏற்றுக்கொண்ட வேலைக்கான விதி முறைகளில் ஒன்று.

அன்று காலை சுமார் மணி பதினொன்று ஆகிவிட்ட நிலையில் சீட்டி என்ற அந்த கிராமத்தினுள் நுழைந்தாள், நுழைகையிலேயே முதலில் இருந்த குடிசையின் வாசலில் நின்று 'உள்ளே யாராவது இருக்கீங்களா' என்று குரல் கொடுத்துக் கொண்டே அந்த சிறிய குடிசையினுள் நுழைந்தாள், அங்கு சுமார் ஐந்து அல்லது ஆறு குழந்தை தொழிலாளிகள் பீடி சுற்றும் வேலையில் மிகவும் கவனமாக இருந்தனர். ஒருவரும் மெலிசாவை நிமிர்ந்து கூட பார்க்கவில்லை.

வெளியில் வெயிலின் கோரத்தாண்டவத்திலிருந்து குடிசைக்குள் நுழைந்தது ஏதோ பாலைவனத்தில் சோலையை கண்டது போல இருந்தது. 'உங்கள் அம்மா வீட்டில் இல்லையே எப்போ வருவார்கள்' என்று மொத்தத்தில் அந்த குழந்தை தொழிலாளிகளிடம் கேட்டாள் மெலிசா.

'தெரியாது' என்று யாரோ ஒருவரிடமிருந்து பதில் வந்தது, அங்கிருந்த திண்ணைபோன்ற மண் திட்டில் உட்கார்ந்து கொண்டாள், 'உங்கள் அம்மா இப்போ வந்திடுவாங்க இல்லே' என்றாள் மறுபடியும், அவர்களிடமிருந்து பதிலேதும் வரவே இல்லை.

குழந்தைகள் தலையும் அவர்கள் அணிந்திருந்த சட்டையும் முகமும் பார்க்கும் போது குளியல் என்ற ஒன்றை கண்டிருக்கவே வாய்ப்பு இல்லை என்று தோன்றியது . 'குடிக்க கொஞ்சம் தண்ணீர் கொடுக்க முடியுமா' என்றாள் அந்த குழந்தைகளை பார்த்து.

அப்போதும் அவர்கள் தங்கள் செய்து கொண்டிருக்கும் வேலையிலிருந்த கவனத்தை திசை திருப்பவில்லை, மெலிஸாவிற்க்கு எப்படி ஆரம்பிப்பது இவர்களிடம் சுகாதாரத்தைப் பற்றி எப்படி எடுத்து சொல்லுவது என்று குழப்பமாக இருந்தது. அவள் கேட்ட எந்த கேள்விகளையும் அவர்கள் கவனித்ததாகவே தெரியவில்லை. அங்கிருக்கும் அத்தனை காய்ந்த இலைத் துண்டுகளையும் பீடி கட்டுகளாக்கி இன்று கொடுத்தால் தான் அவர்களது சாப்பாடு, இதற்கிடையில் இடியே தாக்கினாலும் அவர்கள் கவனம் பீடிகளை வேகமாக சுற்றி முடிப்பதில் தான் இருக்கும் என்பதை மெலிசா புரிந்து கொண்டாள்.

கை கடியாரத்தில் நேரம் இரண்டை தாண்டிக்கொண்டிருந்தது, இன்று எப்படியாவது இவர்களின் தாயை பார்க்காமல் அவளிடம் சுகாதாரத்தைப் பற்றி சில வார்த்தைகளாவது எடுத்து சொல்லாமல் இடத்தை விட்டு அசையப் போவதில்லை என்ற முடிவுடன் காத்திருந்தாள் மெலிசா.



நேரம் மூன்றரையை காண்பித்தது கடியாரம், முப்பதுகளிலிருக்கும் ஒரு பெண் குழந்தைகளைப்போலவே அழுக்கு புடவையும் கிழிந்த ரவிக்கையும் , தலைமுடி எண்ணையையும் தண்ணீரையும் பார்த்திருக்க முடியாது என்று தெரிவித்தது, ஒரு பிளாஸ்டிக் குடத்துடன் அந்த குடிசைக்குள் வந்தாள், அவள் குடிசைக்குள் வருமுன்னரே வீதியிலிருந்தே சத்தமாக எதையோ சொல்லிக்கொண்டு வந்தாள்,

'ராத்திரி சோத்த எப்புடி ஆகுறது, குடிக்கிறதுக்கு கூட சுத்தமா தண்ணி இல்லையே, நா என்னாத்த பண்ணப்போறேன், இம்மாந் நேரம் தண்ணி வண்டி வரும்னு உட்கார்ந்திருந்தா வராதுன்னு இப்போ சொல்றானுங்க, இன்னைக்கு பீடி கட்டு கூட கொண்டு போயி குடுக்க முடியாம தண்ணிக்கி காத்திருந்தே நேரம் போச்சி'.....

அந்தப் பெண் பீடி சுற்றும் குழந்தை தொழிலாளிகளின் தாயாகத்தான் இருக்க வேண்டும், 'இந்த சோப்பை போட்டு குளித்தால் கிருமிகள் நீக்கி உடலை சுத்தமாக்கி ஆரோக்கியமாக பாதுகாக்கும்' என்று விளம்பரப் படுத்தப்படும் அந்த சிகப்பு சோப்பு, சுகாதார மையத்தில் விழிப்புணர்வு பிரசாரம் செய்வதற்கு கொடுப்பது, கைப்பையிலிருந்த அந்த சிகப்பு சோப்பை எடுத்து அங்கிருந்த குப்பையில் போட்டுவிட்டு வீதியில் நடந்தாள் மெலிசா.